Украинадагы кыргызстандыктардын жашоосу жана бул өлкө менен болгон Кыргызстандын экономикалык мамилеси тууралуу Украинадагы кыргыз диаспорасынын негиздөөчүсү, Кыргызстандын Соода палатасынын Украинадагы ыктыярдуу өкүлү Азамат Исмаиловду кепке тарттык.

Жогорку Кеңештин Эл аралык иштер, коргоо жана коопсуздук боюнча комитети чек арага жана аймактарга байланышкан бир нече маселелерди карады.

Президент беш жыл ичинде 600дөн ашык айыл таза суу менен камсыздалат деп убада берди. Бул убаданын ишке ашуусу канчалык реалдуу? Каражат кайдан алынат? Дегеле Кыргызстанда таза суу боюнча долбоорлорду жүзөгө ашыруунун күңгөй-тескейи тууралуу экономика илимдеринин доктору, профессор Төлөнбек Абдыров "Азаттыктын" суроолоруна жооп берди.

Кыргызстанда уран калдыктарын сактоочу жайлар мындан 45-50 жыл мурун жабылган. Зыяндуу заттар көмүлгөн жерлер көптөн бери кароосуз калып, четиндеги тосмолору урап, бузулган жайлар бар.

Парламенттин сайтына жарыяланган “Кесиптик кошуундар жөнүндө” мыйзам талаш жаратты. Айрым тармактык кесиптик кошуундар мыйзам кайра талкууга коюлбаса, нааразылык акцияларын уюштурууга даяр экенин билдиришти.

Ири таштанды жайларына ыргытылган пакет, желим бөтөлкө сыяктуу жеңил таштандылар шамал менен учуп, башка аймактарды каптаганы чоң көйгөйлөрдүн бири. Бул боюнча Талас шаарындагы полигондун мисалында сөз кылабыз.

Ысык-Көл облусунун Тоң районундагы Болот Мамбетов айыл аймагы таштандыларды чогултуп, кайра иштетүүгө жиберүү үчүн “Үч чака” долбоорун иштеп чыгышты.

Жалпы 53 гектар жерди ээлеп жаткан Оштогу таштанды полигону элдүү конушка жакын болсо да ушул күнгө чейин айланасы тосулбай турат. Шаар аймагынан күн сайын 1200 куб таштанды чыгарылат. Бирок таштандынын желим, айнек же темир-тезеги өз-өзүнчө бөлүнбөй туруп полигонго төгүлөт.

Мал киндиктүү Нарын өрөөнүндө ыргытылган малдын өлүгү таштандыга байланышкан чоң көйгөй деп саналат. Эчки-Башы айыл өкмөтү тарпты ыргытуу үчүн жергиликтүү бюджеттин жана демөөрчүлөрдүн эсебинен атайын чуңкур да даярдашкан.

Баткен шаарында элдин таштандыларды чогултуу, өз жайына таштоо, тейлөө үчүн каражат жыйноо маданияты жакшы калыптана элек.