Të drejtat e nëpërkëmbura të punëtorëve, kolapsi i institucioneve që supozohet të garantojnë mirëqenie dhe dinjitet për të punësuarit në Shqipëri, si dhe busulla e orientimit të politikave të drejta për vendin, janë temat kryesore të diskutimit me Bora Mema, sindikaliste, studiuese dhe kandidate për deputet qe Lëvizjes Bashkë, në ELEFANTI NË DHOMË #59.

Ndue Fufi, dikur zëvendëskomandant i burgut famëkeq të Spaçit, si edhe drejtues në një sërë pozitash në riedukim dhe polici gjatë regjimit komunist, tregon përpjekjet e vogla dhe sakrificat e rrezikshme të një funksionari për t'i trajtuar të tjerët njerëzisht dhe për të mbajtur gjallë njeriun brenda vetes gjatë diktaturës brutale.

Studiuesi Elton Hatibi shpalos domethëniet e ekspozitës "Ikonat e Opiumit", ku pasqyrohet në mënyrë analitike, propaganda e regjimit komunist në Shqipëri kundër besimit dhe fesë.

ELEFANTI NË DHOMË #56 trajton krizën paszgjedhore kosovare, ngërçin e numrave për formimin e qeverisë së re dhe rikompozimin e skenës politike.
Labinot Gjini, Anëtar i Kryesisë së Aleancës për Ardhmërinë e Kosovës, diskuton sfidat e vendit përballë Serbisë, aleatëve perëndimorë dhe vetësabotimeve të vetë politikanëve kosovarë.
Gjithashtu, ai vë theksin te domosdoshmëria e një reforme gjithëpërfshirëse të realitetit partiak në Kosovë, duke filluar nga ligji zgjedhor dhe filozofia e funksionimit të forcave politike.

ELEFANTI NË DHOMË #55 Armanda Hysa: Shkatërrimi i pazareve dhe zhdukja e trashëgimisë kulturore

Artistja, fotografja Blerta Kambo diskuton në ELEFANTI NË DHOMË #54 mbi shtysën për arratisje, si një gravitet drejt rigjetjes së vetes në itinerarin Tiranë-Londër-Tiranë; mbi vështirësitë materiale të artistëve sot dhe format gati të pavërejtshme sesi mendësitë patriarkale dominojnë hapësirën dhe lëvizjen e shoqërisë.

ELEFANTI NË DHOMË #53 Marin Gjollma: Pranvera e Shenjtë, e bukura dhe skandali i muzikës klasike

Eksperti i komunikimit Bekim Shehu është udhërrëfyesi elokuent në eksplorimin e territorit abstrakt dhe shumëdimensional të podkasteve dhe të shndërrimit të individit në një agjenci mediatike, ku vullneti personal luhatet mes zgjedhjes së lirë dhe iluzionit të lirisë.Elefanti në Dhomë është një program bashkëkohor, i cili funksionon si një shartim mes podkastit dhe një emisioni televiziv, ku eksplorohet thelbi shpesh i padukshëm i realitetit përmes një drite të re.Nga Ervin QafmollaÇdo të shtunë, ora 22:30Web: https://www.a2cnn.comApp: https://www.a2cnn.com/appFacebook: / a2cnnInstagram: / a2cnnTwitter: / a2_news#ErvinQafmolla #ElefantineDhome #A2CNN #Shqipëri

ELEFANTI NË DHOMË #51 Vladimir Dushniku: Kryengritja e pensionistëve kundër Edi Ramës

Ad Disha, DJ veteran dhe promotor në skenën e muzikës elektronike, flet në ELEFANTI NË DHOMË #50 për zanafillat e këtij profesioni në Shqipëri, evoluimin e muzikës elektronike dhe sfidat e ditëve tona, kur egërsia hera-herës duket sikur mbizotëron mbi të bukurën.