Во оваа епизода споделувам неколку моќни начини да се практикува здрава љубов кон себеси, како и неколку аспекти од живеењето кои се многу важни за поубав и поквалитетен живот. Предлагам да ја слушате како низа на претходните епиозоди, бидејќи е тесно поврзана со претходните теми. На крајот од епизодата споделувам повеќе за јазиците на љубовта и како да ги поврзете со практикувањето на љубов кон себе, а ветив и линк од страната каде може да го направите тестот за вашиот љубовен јазик.

Можете да го правите со својот партнер и да откриете повеќе за себе и него:

https://www.5lovelanguages.com/quizzes/love-language

Се надевам дека ќе уживате!

Да се заљубиш во себеси е првата тајна за среќа. - Роберт Морли

Многу често гледаме на тоа како и кога да се состанеме со другите луѓе, а ретко кога и како да се состануваме самите со себе. Секако, не споделувам дека состанувањето со другите не е важно, но самотијата и времето поминато сами со себеси знае да е многу важно и да донесе многу бенефити.

Во оваа кратка објава, сакам да споделам една вежба за личен раст и развој која мене лично многу ми го промени животот. Секако, постојат многу други фактори кои влијаеле врз промената, а и многу други вежби кои се прекрасни, но оваа вежба лично мене ми донесе најголем мотив за да преземам одредени акции. Пред да продолжам, сакам да предупредам и да замолам, личности кои се соочуваат со панични напади или пренагласена анксиозност да не ја прават оваа вежба, особено не сами затоа што може да биде вознемирувачка за некој. Исто така, доколку самата помисла да се прави оваа вежба предизвикува нелагодност и страв, препорачувам да не се прави. На крајот ќе споделам и некои слични алтернативни вежби кои се побезбедни за сите. Ова го нагласувам бидејќи ваков тип на содржина не заменува психолошко советување, психотерапија или коучинг, а лесно знае некого да вознемири или наведе во друга насока.

Присутно живеење, биди присутна, биди во тука и сега, остани во сегашниот момент, постои само сегашниот момент... Многу често го слушаме токму ова, колку е важно да се живее во сегашниот миг. Често се зборува за тоа колку минатото и иднината не се важни, туку најважен е сегашниот миг. Биди присутна во твојот живот! Јас секогаш велам, кога нешто е толку популарно сигурно е многу добро, колку и да сакаме да имаме отпор. Кога ќе го истражиме отпорот, точно ќе успееме и да го надминеме.

Љубовта ја бараме секаде околу нас, а многу ретко застануваме да ја побараме во себе. Сакаме да даваме љубов но, многу често, сме затворени да примиме љубов. Способноста да даваме и примаме љубов е најголемиот дар кој го имаме како луѓе. Длабоко верувам дека кога личноста ќе се отвори за личен раст и развој, таа во наредните неколку години ќе доживее огромен напредок и успех. Но, многу е важно на тоа патување да научи да се грижи за себе добро и да се сака себеси доволно на здрав начин. Начин кој нема да е нарцисоиден, ниту пак начин кој нема да е ни доволно асертивен.

Што значи да се грижиш за себе, а што е себичност? Во оваа епизода зборувам повеќе околу што точно претставува грижа за себе и споделувам неколку вежби кои може да ти помогнат на патувањето за личен раст и развој. 

Кој е првиот чекор кон промената? Имаш соништа, идеи, мотивација, но не преземаш акција. Доколку сакаш да дознаеш зошто е тоа така, слушни ја оваа епизода во која зборувам за клучните моменти кои не носат до промената. Истата содржина можеш да ја најдеш и на мојот блог www.elenadjebr.com

Сите имаме различни причини зошто почнуваме да пишуваме дневник, како и зошто почнуваме свесно да чекориме по патот на свесен личен раст и развој. Не постои само еден начин да се води дневник, а верувам дека одличен доказ за тоа се тинејџерските дневници кои многу од нас ги имаа. Секој различен, уникатен и прекрасен на свој начин. Во оваа епизода ќе споделам неколку моќни техники на пишување дневник кои можете да ги почнете уште веднаш.

Доколку сакате да го читате како текст, истата содржина можете да ја најдете на мојот блог

www.elenadjebr.com

*Овој подкаст е мое лично мислење и е од информативен карактер. Истиот не заменува стручен совет или психотерапија. 

Многу познати и успешни личности пишувале редовно дневник за да ги следат своите мисли, емоции, идеи и изуми. Веројатно нема психолог кој не препорачува водење на дневник, а позади тоа се кријат многу бенефити. Слушнете во продолжение за многубројните бенефити кои ги носи редовното водење на дневник или прочитајте повеќе на мојот блог:

www.elenadjebr.com 

Во оваа епизода зборувам за начинот на кој го перцепираме мислењето на другите и стравот од нивната осуда. Споделувам како да се „носиме“ со стравот од туѓото мислење, како и поддршка да провериме дали е тој страв реален или имагинарен. Како да дознаеме зошто другите не не сакаат? Што е важно да се има кога се соочуваме со страв од мислењето на другите? Чие мислење треба да ми е важно? 

Содржината може да ја најдете и на www.elenadjebr.com