Elkar argitaletxeak plazaratu berri du Aitor Oñateren Lohizulo nobela. Eleberri umoretsua da, gure munduaren argazki edo erretratu egiten diguna. Marrolo da bertan protagonista, Aitorrek berak azaldu digunez. Bere lehenengo eleberria den hau nobela urbano bezala definitzen du berak. Politikaren mundua eta kalekoa nahastean gertatu daitekeena islatu du Oñatek orriotan.

Deskargatu hemen.

Elkar Fundazioaren Ipuin eta Ilustrazio Lehiaketaren 17. edizioa antolatu du. Helburu argia du lehiaketak, euskarazko irakurzaletasuna sustatzea eta haur eta gazteen sormena bultzatzea. Aurtengo edizioan, Alaine Agirrek idatzitako Zer jango du oiloak ipuina izango da oinarri, Belatz ilustratzailearen lanarekin uztartuta, eta gazteentzat komiki erronkak ere izango dira.

Deskargatu hemen.

Agustin Zubikarai beka jaso zuen duela bi urte Goio Ramosek eta, 2024 bukaeran, London Calling nobela argitaratu du. The Clash punk taldearen abesti ospetsuenetakoaren izena aukeratu du nobelari izenburua emateko, hortaz, imagina dezakegu nobelak nondik eramango gaituen. 80ko urteetan kokatua, Euskal Herria ere bor-borka zegoela, hiru protagonista nagusi ditu eleberriak: Mikel, Josu eta Amaia. Musika taldea sortuko dute eta garaiko gorabehera sozial eta politikoen testuinguruan bizi izango dituzten gorabeherak ikusiko ditugu liburuaren orrialdeotan. Goio Ramos bera batu zaigu gaurkoan, London Calling honetaz hitz egiteko.

Deskargatu hemen.

Alaitz Melgar barakaldarrak bere amona zenaren bizitza berreraiki du Debako Udalak eta Elkar argitaletxeak elkarlanean antolatzen duten Tene Mujika bekari esker, udaberria “ Joseba Neskame “ lana argitaratu zuen. Egileak argitu duenez, pertsonaletik asko du kontakizunak, baina azpimarratu duenez, “garaiko emakume askok bizitakoak” jaso du lanean, zeharka bada ere. Josefa Agirre Etxebarriaren istorioa ekarri digu eta guren izan da solasean.

Deskargatu hemen.

Ingot taldeak lehenengo diskoa aurkeztu berri du Zeugaz deiturikoa. 2017an batu ziren bost musikari hauen ibilbideak, rockanrol banda bat eratzeko asmoz. Honela antolatu ziren: Juan Pedro Salvador gitarra-jole, Roberto Figuero baxuan, Joseba Serna baterian, Roberto Awanari teklatuetan eta Itziar Ituño ahotsean. Urtebete geroago, 2018an alegia, lehenengo maketa grabatu eta kontzertuak emateari ekin zioten. Bitxia da baina, harrez gero, Euskal Herrian baino askoz saio gehiago egin dituzte Euskal Herritik kanpo, esaterako, Italian, Brasilen edo Perun. Itziar Ituño beste lan batzuetan ezagutu dugu eta oraingoan kantuan entzungo dugu.

Deskargatu hemen.

2018ko udazkenean  Bakarka deituriko lana plazaratu zuen Ruper Ordorikak. Gitarra lagun zuela, bakarka jo eta grabatu zituen bere kantuak, bere ibilbideko abesti ezagunenetako batzuk errepasatuta. Gaur Bakarka bi argitaratu du,  bere gitarraren eta ahotsaren laguntzarekin bakarrik, giro intimoan agertzen zaigu. Bere anaia Jonanekin Azkarateko Mamia estudioan grabatu, nahastu eta masterizatutako disko da. Erruduna, Zaindu maite duzun hori eta Zaldiak negarrez kantuak jaso ditu Ruperrek, besteak beste, bakarkako bigarren bilduma honetan.

Deskargatu hemen.

Elkar Ilustrazio eta Ipuin Lehiaketa martxan da hamasei urteren muga gaindituta. Aurten 16. aldiz jarriko da martxan elkar Fundazioak haur eta gazteengan irakurzaletasuna eta euskararen erabilera bultzatzea helburu duen lehiaketa hau. Urteotan milaka haur eta gaztek hartu dute parte bertan, kalitate handiko lanak aurkeztuz. Aurten, Jon Ander Urkiagak idatzitako Azeri ase ezina ipuina irakurri eta ilustratu beharko dute txikienek. Haurrek, berriz, Raquel Samitierrek sortutako ilustrazioan oinarritu beharko dute beraiek sortutako ipuina. Komikiaren atalean, ordea, gazteek bi aukera izango  dituzte: batetik, Raquel Samitierrek hasitako komikiari jarraipena ematea eta bestetik, berak proposatutako gaia mantenduz (mezutxo bat botilan), komikia hasieratik sortzea.

“Euskalia” nobela izan dugu bide lagun, Mikel Alcarez Sarriegiren lehen nobela da. 2021ean Agustin Zubikaria beka jaso eta abenduan Elkar argitaletxeak plazaratu du. XXII. mendean euskaldunek gidatzen dute unibertsoko hamaika gailaxia, ehunka mirendade eta hamaika planeta gobernatzen dituzte, ongizate maila ikaragarriarekin. Baina bada handitasun horren kontra egin nahi duen Muturgogor barrutian, Espaniar kultura eta hizkuntza berreskuratu nahi duen talde txikia. Horrela abiatzen da umorez eta ironiaz betetako “Euskalia” eleberria. Ispiluari buelta eman dio Mikelek eta gure hizkuntza hegemonikoa balitz, nolakoa izango ginatekeen irudikatu du.

Deskargatu hemen.

Gazteak protagonista diren Geruzak sortako dokumentala proiektatu da gaur IRUDIENEAn, askatasuna gaitzat duena, hain zuzen ere. Proiekzioaren ostean solasaldi laburra egin dute bertan ageri diren bi gazterekin eta Eneritz Furyakek kantu pare bat abestu ditu. Gazteen eguneroko kezka eta galderetatik abiatuta, euskaraz eta euskaratik, feminismoa, soziolinguistika, kultura eta pentsamendua lantzea helburu duen ikus-entzunezko proiektua da Geruzak, Elkar argitaletxeak eta Jakin fundazioak elkarlanean sortua, gazteekin gazteentzat egina. ELKAR argitaletxeko Alaitz Aizpuru eta JAKIN aldizkariko Lorea Agirrerekin mintzatu gara proiektuaz.

Deskargatu hemen.

Kondenatu kantua irekitzen du Habi Taldearen EP berria. Lau kantuz osatutako disko txikia atera dute .HABI 2018an sortu zen, Jon Ander Artola eta Yeray Gascon taldekideen bideak gurutzatuta. Villabonan jaioak dira biak, eta musikarekiko pasioak elkartu zituen haien bideak. Hilaren hasieran kaleratu dute ‘Helmuga’. Lau kantuz osaturiko EPa da, Elkar diskoetxeak biniloan argitaratua, eta dagoeneko kontzertuetan aurkezten ari direna. Musikari egin dioten omenaldia izan da lan hau.

Deskargatu hemen.