Aste hasiera haizetsua izan dugula esan genezake eta baita euritsua ere David de Andresek aipatu digun bezala. Aste hasieraren errepasoaren ondoren asteburuko eguraldiaren iragarpena eman digu Ingrid etorriko zaigularik.

 David de Andres Irati irratian

Iaz Agoitzeko jaietan burutu zuten bigantxarik gabeko jaiak edukitzera froga moduan. Behin hori iraganda Agoitzeko udalak esan zuen jaietan bigantxak eduki edo ez erabaki eginen zuela herriaren ahotsa entzunda. Ahots hori artikulatzeko herri galdeketa bat jarri dute abian. Gaur honen inguruan solasean izan dugu Joseba Alcalde Agoitzeko zinegotzia. Berak azaldu dizkigu galdeketa honek izanen dituen epeak.

Urtarrilaren 22tik 29ra modu telematikoan bozkatzeko aukera. Otsailaren 1ean izanen da aukera 10.00etatik 19:00 tara Kultur etxean bozka emateko aukera modu presentzialean.

Informazio gehiago : Bigantxak galdeketa

Joseba Alcalde Irati Irratian

Gaur berriz izan dugu Xanti Begiristain lagunaren bisita. Gaur ETBk euskararekiko izandako jarrera izan du aztergai bere ohiko kolaborazioan. Entzun!

Xanti Begiristain Irati Irratian:

Hezkuntzan hainbat urtetan aritu ostean Edurne Errea Nuñok bere gorputzaren eta oro har sexologiaren inguruko ikasketak eta formakuntzak egiten hasi zen. Pixkanaka-pixkanaka hasi zen bere ideia garatzen eta gaur da eguna zeinetan sexologiaren inguruko ikastaroak ematen hasi den. Erotika, sexualitatea, desira, oro har lizunkeriarekin alderatzen ohi da baina holan ez dela erakutsi eginen digu hainbat ariketen bitartez.

Lakaben emanen duen hauxe, Geltokikoek proposatutako proiektu batetik eratorrita dago zeina erotika eta kontsumoa alderatzeko eskatzen zitzaion. Ikusita bazuela lan egiteko adina aukera erreplikatu egin izan du beste zenbaitetan eta gaur Lakaben izanen da hori bera lantzen.

Informazio gehiago : 628058545 / [email protected]

Edurne Errea Nuño Irati Irratian

Asteburu gora-beheratsua izan dugu meteorologia aldetik. Ostiral euritsu eta elurtsua goikaldeetan, larunbata desatsegina eta igande goxoa David de Andres lagunak aipatu digun moduan. Errepasoaren ostean aste hasierako iragarpenarekin sartu gara.

 David de Andres Irati irratian

“Aprender a bailar bajo la lluvia” du izenburu liburu honek eta Maider Zubikarai Larraza da idazlea, zeina bere alaba den Maialenekin izandako esperientzia ekartzen du bere barnean. Maialen Rett sindromedun neska dugu, gaixotasun arraroetako bat eta horrek suposatu zuena dakar gogora Maiderrek liburu honekin. Aurkezpena dela eta berarekin izan gara eta berak aipatu digunez bere bizitzan izandako bi tsunamiek bultzatu zutela kontakizuna idaztera, bata bere aitaren zentzea eta Maialenen diagnostikoa eman zietena.

Liburuak ohiko lekuetan salgai dituzue 15€tan eta ateratako etekina Rett sindromea sendatzeko ikerketetara bideratuko da.

Maider Zubikarai Larraza Irati Irratian

Euskararen kontrako oldarraldiaren erdian Euskalgintzaren Kontseiluak Pizkundea ekitaldia antolatu zuen Bilbon abenduaren 27an. Euskararen aldeko elkargune honetan euskaltzaleen arteko  batasuna adierazi egin zen eta bertan aurkeztu zen Euskaltzaleon Gida. Euskararen egoeraren aurrean zer nolako jarrerak izan behar dugun barnebiltzen duen gida dugu hauxe, nahiz eta bertan ezagutzen direnak jada jakinak diren. Pizkundeaz eta gidaz luze aritu gara Euskalgintzaren Kontseiluko idazkari nagusia den Idurre Eskisabel Larrañagarekin.

Informazio gehiago : Pizkundea webgunea

Idurre Eskisabel Larrañaga Irati Irratian

Pizkundea ekitaldia osorik:

Aste hasiera lasaia izan dugu hego-haizeak nabarmena izan delarik, hala gaineratu digu David de Andresek. Honen ostean asteburuko eguraldi iragarpenarekin sartu gara eta hauxe komentatu digu, entzun!

 David de Andres Irati irratian

Euskararen inguruko gaiak ekartzen dizkigu Idoia Zabaltzak bi astetan behin izan ohi ditugun kolaborazioetara. Gaurkoan kaleratu berri den Korrika ibilbidea izan dugu oinarri eta errepasatu egin dugu nondik nora gurutzatuko gaituen, baita zein tokitatik ez den pasako ere. Korrikari begira ere antolatzen ari diren ekimenak aipatu ditugu.

Korrika aurkezpena zenbait hitzartuak daude: Aribe (Auñamendi zonaldea) Urtarrilak 31, 18:00etan eta Agoitz Otsaialaren 13an. Joanen gara Korrika Kulturalaren inguruko informazioa zabaltzen.

Idoia Zabaltza Irati Irratian:

15 lagun biltzen dituen Agoizko Argazkilari taldeak erakusketa berri bat jarri du martxan Agoizko Kultur etxean. Botanika izenburupean talde honetako 9 lagunek euren ikuspegi berezia plazaratu nahi izan dute, ostiraletan egindako irteeretan ateratako argazkiekin. Aurtengo erakusketako gaia Agoitz Loretan jaialditik hartu zuten, hori izan baitzen ideia honen pizgarri. 

Ostiralean irekiera ekitaldi arrakastatsua izan zuen erakusketa honek eta urtarrilaren 30a bitarte bisitatu dezakegu. Honen inguruan solasean izan gara Argazkilari Taldeko Tomas Donazarrekin.

Tomas Donazar Irati Irratian