Askok galdetzen dute ea ordutegia aldatu den jada eta Mari Mar Agos liburuzainak aipatu digu udako ordutegia ekainaren 15ean ezartzen dela. Gaineratu digu ere Baziren Behin 8 Liburutegiko “La Mosca Tosca” ipuinaren tailerra pendiente daudela. Hori gutxi balitz, ekainaren 2an arratsaldeko 17;30tan Hazien Liburutegitik Sanjuanera ukendua egiteko tailerra eginen dutela Silvia Erlantz biologarekin.

Mari Mar Agos Irati Irratian:

Gaztea irratian eta Conquisean lanean ikusi dugun kazetaria dugu Oizeder Mayo. Aita urzainkiarra duen laguna izanik beti atxiki du Erronkaribarrekin lotura eta hasiera batean argi zuen bere proiektu berri honek Onki Xin izena izan behar zuela lotura honen erakusle. Bideopodkast berri honek kultur arloan jardun egiten duten pertsona esanguratsuak izanen ditu elkarrizketatu. Bi astetan behin eskainiko du saio berri bat eta lehen denboraldian 6 kapitulu izanen dira. Estreinaldia aprobetxatuz Oizeder Mayo bera izan dugu gaur gurean. 

Onki Xin bideopodkasta ikusgai izanen da Youtuben eta Spotifyn, Instagramen eta TikTok sareetan ere aurrerapenak edo reelak agertuko direlarik.

Oizeder Mayo Irati Irratian

Onki Xin BideoPodkastaren lehen kapitulua:

Gaur jarraitu dugu Miren Cia Urrutia nerabezaroan adituaren kolaborazioarekin. Aurrekoan landutako gaiaren segida izan dugu hezkuntza estiloena alegia. Maccoby eta Martinen ikerketak lau estilo desberdin nabarmentzen dira, autoritarioa, demokratikoa, arduragabea eta permisiboa. Horiek ere errepasatu ditugu. Gaurkoan bikotean jarri dugu atentzioa bikoteetan estilo desberdinak baitaude eta askotan bi estilo hauek mezu kontrajarriak helarazten dituztelarik. Hemen komunikazioa eta negoziazioa garrantzitsuak dira eta estilo demokratiko baterantz bidea elkarrekin egitea, zeren permisibitatea ez du zertan askatasuna esan nahi.

Edozein zalantza edota gertaera dituzuela Mirenek kontsultak egin izan ohi ditu eta horretarako Erron, Aurizberrin eta Ariben artatzeko tokiak lituzke aurretiaz zita eskatuta.

Zalantzak edota kontsultak : Miren Ciaren webgunea

Miren Cia Urrutia Irati Irratian

Nafarroako Hezkuntza komunitateak une gatazkatsuak bizitzen dabil azken ikasturtean bereziki. Legegintzaldia hasi zenetik talka ugari suertatu dira Carlos Gimeno kontseilariaren eta hezkuntza komunitatea sortzen duten eragileen artean. Talka horiek hezkuntzaren kalitatean dute oinarria eta hala adierazi dute sindikatuek egindako agerraldi guztietan.

Aurten, azaroan Lanbide Heziketako irakaslegoak LH dualaren gabeziak eta arazoak bere gain erortzen ari zirela argitu eta honi begira greba deialdia egin zuen. Gerora etorri zen behar bereziak dituzten ikasleei laguntza koordinatzen duen KRENAren buruzagitzak dimisioa aurkeztu zuen, hezkuntza sailak entitate pribatu bati eman baitzion honen ardura. Azkenik lehertu egin duena giroa zenbait unitateren itxiera eta lanpostuen galera aitzaki merkeen poderioz eta batez ere D ereduko unitateen kontra joz.

Honen aurrean sindikatuek argiki adierazi dute kontseilariaren negoziatzerako borondate eza eta nola ez bere aportazioei entzungor egitea. Hortik LAB sindikatuak Gimeno kontseilaria kanporatzeko kanpaina abiatu eta segituan 2000 langileren babesa jaso zuen. Honek, mobilizazio batean irudikatu zen zeina larunbatean Iruñeako kaleak zeharkatu zituen.

Hau guztia landu dugu LAB sindikatuko kidea den Hodei Tapiarekin. Berak ederki asko azaldu digu zein den Nafarroan hezkuntzaren egoera.

Hodei Tapia Irati Irratian

Larunbateko mobilizazioaren inguruko Ahotsa.infok eginiko bideoa:

Negu arora itzuli gintuen pasa den asteko amaierak elurra itzuli baitzen gurera eta nola gainera David de Andresek aipatu digun moduan. Larra Belaguan 25-30 cm berri elur-geruza ezarri zen ostirala goizean. Ostiralak prezipitazio ugari utzi zizkigun 20 eta 50 litro artekoak eta jadanik zenbait estaziotan 100l jasotzera heldu dira maiatza honetan. Datu guzti hauen errepasoaren ostean aste hasierako iragarpenarekin sartu gara.

 David de Andres Irati irratian

3. urtea izanen da jaia hauxe ospatzen eta aldarrikatzen dabiltzala. Erronkarin izango du kokalekua eta bihar maiatzaren 16 izanen da. LGTBIQ+ kolektiboaren ikusgarritasuna sustatu eta maitasunaren askatasunaren aldarri izango da xeia. Hainbat eragileren elkarlanaz sorturiko festa dugu hauxe pixkanaka-pixkanaka bidea eta lekua egiten dabilena.

Gaur gurean izan dugu antolaketa lanetan dabilen Arantxa Ariño izan dugu gurean. Berak animatuko gaitu xeiara eta aldarrikapenera batu gaitezen, aske izan eta askatu gaitezen, giroaz disfrutatu dezagun.

Arantxa Ariño Irati Irratian

Aste euritsu eta desatsegina suertatu zaigu eta hala adierazi digu David de Andresek. Astearen errepaso ostean asteburuko eguraldiarekin sartu gara zeinetan negugiroarekin hasiko garen.

 David de Andres Irati irratian

Gaur zita genuen Xanti Begiristainekin. Ohikoa den moduan berak ekoitzitako ekarpena izan dugu, pilotan, frontoietan dabiltzan artekarien inguruko kexa ekarri digu, mundu euskaldun baten bueltako kirola izaki ez baitute sekula euskara erabiltzen.

Xanti Begiristain Irati Irratian:

Iazko La Fuga Mendi Martxa arrakastatsuak bide eman dio aurten La Fuga Mendi Lasterketari. Aurten hainbat bueltaren ostean maiatzaren 17an igandearekin eginen dute izena eman duten 130 korrikalariek Ezkaba eta Urepel batzen duten bidea. Igandean 1938an Ezkabako Gotorlekuko presondegitik ihes egindako 792 lagunen oroimena mantentzeko kirol proba honek berriz ere zeharkatuko ditu egin beharreko 53 kilometroak.

Ohikoa den moduan, Antsoainek oroimen edo memoriaren astea antolatu du lasterkaldiaren osagarri gisa. Ikusita lasterketaren gertutasuna Mikel Guerra antolatzailea izan dugu gaur gurean. Berarekin batera errepasatu ditugu La Fugaren helburu eta programazioak.

Informazio gehiago : La Fuga Mendi Lasteketa

Mikel Guerra Irati Irratian

Talde bezala denbora gutxi daramazkiten arren eskarmentu handiko musikariak ditugu Xendra taldea. Bikote moduan hasitako taldea zazpikotea da egun eta Uharte herria dute egoitza. CD bat grabatzeko astia izan dute Bihia izenburupean eta 8 kantuz hornitutakoa. 

Zazpikotea izanik estilo desberdinetatik mamitu dira taldekideak baina oro-har Xendra folk, pop eta rock estiloa darabilzkite bere kantuetan. Kontzertuak eskaintzen dabiltza bira betean sartuta eta bira horrek larunbata honetan Artziko Jauregian jotzera eramanen dituzte. Honen aitzakipean Ion Galbete Labiano Xendra taldeko kidea izan dugu gaur taldea aurkezten.

Ion Galbete Labiano Irati Irratian

Xendra taldearen Errauts eskuak: