Ukioq 2019 nunat inoqqaavisa oqaasiinut tunngatillugu, Naalagaaffiit peqatigiit ukiorititaraat. Isumaqarpugut oqaatsit pillugit tusagassiat ilaatigut iluaqutaangaarnatik avissaartuutsitsinerusinnaasartut. Aalajangerpugullu sammivik alla atorlugu oqaatsit samminiarlugit.

Unalu immikkoortut pingasuusut aapparaat, tassanilu Ella Kuuitsi, Kulusummiu – arnaq inuusuttunnguaq ilinniartitsisunngorniarluni misilitsileruttortoq oqaloqatigissavarput.

Nunatsinni isorartoqisumi sumiorpaluutivut assigiinngissinnaasarput. Maanilu Nuummi ilinniarfeqarfiit katersuussimapput. Paaserusuummerparput inuusuttuulluni avinngarusimasumik taasartakkatsinneersuulluni Nuummut ilinniariarneq oqaatsitigut qanoq inissisimaffiusinnaanersoq.