Leikstjórinn Reynir Lyngdal læddist í Ellefu hellinn og spjallaði um þær helstu kvikmyndir sem hafa kitlað hann á einn eða annan hátt í gegnum lífsgönguna.

Animation drottningin og heims-skaparinn og Ormhildarsagnaritarinn Þórey Mjallhvít fór yfir helstu kvikmyndir sjálfs síns með Hulla. 

HÆSTvirti leikstjórinn Einar Baldvin Arason tjattar við Hugleik um sín markverðustu ræmugláp. Tékkið á HÆST í sjónvarpi Símans.

Krummi og Hulli tala um kvikmyndir eins og þeir hafa aldrei gert annað.

Teiknarinn og höfundurinn Rán Flygenring tjattaði við Hullsuna um allskonar sem við kemur hreyfiræmum hennar lífs. 

Búningahönnuðurinn, listakonan og megabeiban Karen Sonja Mayen Briem deilir sínum mikilvægustu kvikmyndatitlum með manninum sínum. 

Hugleikur spjallar við stórleikarann og kvikmyndaunnandann Hannes Óla um allar myndirnar sem skipta einhverju máli!

Vísindaskáldið, Hryllingshrottinn og draumavefjarinn Emil Hjörvar Petersen fór á kvikmynda-trúnó með Hulla í hlaðvarpsholunni. 

Hinn mikli Jóhann Alfreð, grínistinn með gullhjartað, kom sér fyrir í kastkitrunni hans Hulla og fór yfir ellefubíó listann. 

Kjuðakitlarinn, kátínuspreðarinn og spékoppasportarinn Sigtryggur Baldursson hlammaði sér í fangið á Hulla og fabúleraði eins og honum einum er lagið um kvikmyndir tilveru sinnar.