Litsimba lalabancusela inhlangano ye Hamas litsi lisalicubungula kabanti lelicebo leliphakanyiswe ngumengameli wase Melika Donald Trump ngenhloso yekucedza lemphi yaka Israel eGaza. Ndvunankhulu waka Israel Benjamin Netanyahu uvakalise kutsi bayalemukela lelicebo lemaphuzu langemashumi lamabili leletfulwe ngu Trump. Kepha umhlatiyi wetembangave Njingalwati Bhekitrhemba Mngomezulu utsi akatsembi kutsi Nentanyahu utatibophelela kuletiphakamiso.