Èske move nouvèl yo ap boulvèse kè ou? Èske w ap viv ak laperèz devan sa k ap pase nan mond lan?

Nan etid biblik sa a sou Sòm 112, n ap dekouvri poukisa moun ki mete konfyans yo nan Bondye pa bezwen pè move nouvèl. Bondye ban nou yon fondasyon ki pa souke, menm lè sikonstans yo difisil.

📖 Tèks prensipal: Sòm 112

Nan epizòd sa a, ou pral aprann:

Poukisa kè moun ki mache ak Bondye rete fèm.

Ki benediksyon Bondye pwomèt moun ki gen lakrentif pou Li.

Kijan pou viv ak lafwa olye de laperèz.

Si epizòd sa a ankouraje ou, pa bliye like, abòne, epi pataje li pou plis moun resevwa Pawòl Bondye a.

#Som112 #PaPe #Lafwa #EtidBiblik #WindelBEtienne #JeKweDonkMwenPale

Èske w konn santi tout sa w fè pou Bondye pa janm ase? Èske w toujou ap viv ak laperèz pou w dezapwente Bondye? Anpil kretyen ap pote yon chay Bondye pa t janm mande yo pote: pèfòmans espirityèl olye yo viv nan gras Bondye.

Nan epizòd sa a, Windel B. Etienne analize kesyon sa a apati Bib la pou montre diferans ki genyen ant obeyi Bondye ak eseye merite favè li. W ap dekouvri kijan Levanjil Jezi Kris la libere nou anba kous san fen pou "fè plis" epi envite nou viv nan relasyon ak Bondye ki chita sou gras, lafwa ak lanmou.

Si w konn di: "Mwen pè dezapwente Bondye", videyo sa a fèt pou ou.

Nan videyo sa a, w ap aprann:

- Poukisa anpil kretyen tonbe nan pèfòmans espirityèl.

- Sa Bib la di sou gras Bondye.

- Kijan pou w viv nan libète Kris la olye w viv anba koupabilite.

- Ki siy ki montre w ap chèche fè Bondye satisfè olye w ap mache avèk li.

- Kijan pou w grandi nan lafwa san w pa viv anba presyon.

👉 Abòne ak Podcast la pou plis ansèyman biblik solid, refleksyon teyolojik ak fòmasyon pou ede w grandi nan gras ak nan konesans Jezi Kris.

Kite yon kòmantè: Èske ou te janm santi Bondye pa t janm satisfè avè w? Kijan epizòd sa a ede w wè sijè a yon lòt jan?

Pawòl Bondye pa fèt sèlman pou nou li; li fèt pou l antre nan kè nou, fòme panse nou epi transfòme fason nou viv.

Nan epizòd sa a, n ap dekouvri pratik Lectio divina a: yon fason pou nou li Pawòl Bondye a ak yon lòt atitid, avèk plis atansyon, silans, meditasyon ak lapriyè, pou Pawòl la pa rete sèlman nan tèt nou, men pou l penetre lavi nou.

Se yon envitasyon pou w pa prese pase sou tèks biblik la, men pou w rete devan Pawòl la, koute sa Bondye ap di w epi mande tèt ou: Ki sa Pawòl sa a vle chanje nan lavi mwen?

🎧 Pran yon moman trankil pou koute epizòd sa a, ouvri kè w bay Bondye, epi kite Pawòl Li a pa sèlman pale avè w, men travay nan ou.

Li Pawòl la. Koute l. Medite sou li. Kite l transfòme lavi w.

Ou pa la pa aza. Ou pa yon erè. Ou se chèdèv Bondye, yon moun Li kreye avèk entansyon, pou yon objektif ak yon misyon.

Nan epizòd sa a, n ap pran yon moman pou nou medite sou Efèz 2:10 epi dekouvri ankò verite sa a: « Nou se travay Bondye fè; Li kreye nou nan Jezi Kris pou nou fè bon travay… »

Nan yon moman refleksyon, meditasyon ak lapriyè, nou envite w gade lavi w yon lòt jan: pa sèlman dapre echèk ou, limit ou oswa fason lòt moun wè w, men dapre fason Bondye wè w.

🎧 Koute epizòd sa a nan yon moman trankil, ouvri kè w bay Bondye, epi kite Pawòl sa a fè w sonje kiyès ou ye ak poukisa w egziste.

Ou se chèdèv Bondye. Pa bliye sa.

Exode 3: L'Éternel vit qu'il se détournait pour voir; et Dieu l'appela du milieu du buisson et dit: Moïse ! Moïse! Et il répondit : Me voici !

Exode 3.25: Dieu regarda les enfants d'Israël, et il eut compassion.

Dans cette méditation en Créole haïtien, nous prenons le temps de prier pour l'Église persécutée et de réfléchir sur la grâce de Dieu, source de salut pour tous les hommes, manifestée en Jésus-Christ ( Tite 2.11-12).

" Vous aviez médité de me faire du mal: Dieu l'a changé en bien, pour accomplir ce qui arrive aujourd'hui..." Genèse 50.20

Heureux tout homme qui craint l'Éternel, qui marche dans ses voies. Tu jouis alors du travail de tes mains, tu es heureux, tu prospères.

Yon moman lapriyè ak meditasyon ak Windel B. ETIENNE.

Nap reflechi sou Som 40 vèsè 10 ak 11.

Pa bliye vizite sit web nou an pou plis kontni: Windel B. ETIENNE