O novo edificio xudicial de Tui será unha realidade no primeiro semestre de 2019. Así o afirmou esta mañá o vicepresidente da Xunta, Alfonso Rueda, na presentación do proxecto realizado no salón de sesións da casa do concello.

Xunto co alcalde, Carlos Vázquez Padín, o presidente do TSXG, Miguel Ángel Cadenas, e o arquitecto Angel Cid, deron a coñecer os pormenores do proxecto que suporá un investimento de 2 millóns de euros, e que terá un prazo de execución inferior aos 15 meses.