Este sábado 1 de novembro a Comisión San Roque de Porto, en Salvaterra de Miño, organiza un magosto, ás 18.00 horas no Centro Cultural de Porto. Aurora Parajó, membro da comisión daba todos os detalles desta cita gastronómica na que non faltarán as castañas e viño de balde, chouripán e chocolate a prezos populares.

Tras 14 anos sen celebrarse este ano recuperaron as festas de San Roque, e agora organizan distintas actividades, como este magosto, ao longo do ano.