Este venres, o Teatro Municipal de Tui acolle a presentación da xira do Centro Dramático Galego coa súa última montaxe, “Tartufo”. Trátase dunha revisión da obra escrita por Moliére no século XVII e dirixida agora por Carles Alfaro.

Os dez actores subirán ao escenario para representar unha comedia que non soamente cumpre a función de divertir aos espectadores, senón que posibilita unha segunda lectura sobre o que pode chegar a suceder cando un farsante se interpón entre o poder e quen o posúe co obxectivo de satisfacer os seus intereses persoais.