Hoxe martes ás 20.30 h comeza no pórtico da Catedral a visita “As pegadas de 800 anos de arte na catedral de Tui” dentro do ciclo "Coñece o noso patrimonio" que organiza o Instituto de Estudos Tudenses coa colaboración do Concello de Tui.

Marta Cendón, catedrática e profesora de Historia da Arte da Universidade de Santiago de Compostela e presidenta do Instituto de Estudos Tudenses, será a encargada de guiar esta visita. Hoxe avanzounos que poderemos coñecer no percorrido e fixo balance tamén da acollida que está a ter este ciclo.