O festival As Penizas Folk celébrase este venres e sábado no monte das Penizas en Paramos. Haberá música pero tamén gastronomía, feira de artesanía e solidariedade, xa que todo o recadado nesta edición irá destinado aos afectados pola explosión no Barrio da Torre. O venres, a partir das 21.00h habrá concerto de Xulio Lorenzo e Pelapau. O sábado a 12.00h tocarán os treboeiros da Muimenta e os Estralos. Pola tarde, presentación do festival a cargo de Andrés Giráldez e concerto de Repitroca, Cuncheiros, Os Carunchos e Uxía.