África González e Catedrática de Inmunoloxía da Universidade de Vigo e académica da Real Academia de Farmacia de Galicia. Ademais, lidera un grupo de investigación multidisciplinar en inmunoloxía básica e aplicada na Universidade de Vigo.

Henrique Monteagudo é profesor de Filoloxía Galega na Universidade de Santiago de Compostela, vicesecretario da Real Academia Galega e tamén é codirector da revista Grial.

María Lopo é doutora en Literatura Francesa pola Universidade René II e especialista na figura de María Casares, sobre a que disertou en numerosas ocasións, tanto en Francia como en Galicia. Ademais, publicou unha docena de artisco nos que se ocupa da súa vida e da súa obra.

Arturo López Quintela, socio fundador de Nanogap, e María Seoane, CEO de BFlow, son dúas figuras destacadas no ámbito do emprendemento e da ciencia en Galicia.

Francisco Prado Vilar foi coordinador do comité científico da restauración do Pórtico da Gloria dende os seus inicios en 2008 e actualmente dirixe o Programa A. W. Mellon para o Pórtico da Gloria.

Pablo Mosquera é Licenciado en Administración e Dirección de Empresas e especializado en Dirección Financeira. A súa carreira profesional está vinculada á xestión da innovación, a valorización de tecnoloxía e o emprendemento.

Juan Carlos Permuy é Psicólogo e Educador Social, está especializado en técnicas de psicoterapia con adolescentes, é instructor en mindfulness e experto en Compassion Focussed Therapy e en drogodependencias.

Antonio Rigueiro é Catedrático da Universidade de Santiago de Compostela, os seus campos de investigación son os sistemas agroforestais, as plantas medicináis e micoloxía, a multiplicación de especies agroforetais e os sistemas de información xeográfica na loita contra os incendios forestais.

Alejandro Vargas é un pianista e compositor graduado na Universidade das Artes de Cuba e primeiro premio no concurso de novos jazzistas de Cuba no 2001.
Actualmente reside en Compostela onde lanzou xa varios discos como é o caso de Ama Aza LaNdo, un fulgor de figuracións representativas de paisaxes sonoras onde se recrea o minimalismo, o orientalismo, a improvisación libre e o jazz.

Manuel Varela Fariña é o gañador do premio Alfredo Vicenti 2021 ao xornalismo social, actualmente traballa como xornalista en La Voz de Galicia.