LGBT အခွင့်အရေးအတွက် တက်ကြွလှုပ်ရှားသူ။

သူမ ပေးတဲ့ သင်တန်းတွေကနေ တဆင့် မိမိကိုယ်မိမိ လက်ခံသွားနိုင်တဲ့သူတွေ၊ ကိုယ့်ဘ၀ကိုယ် ယုံကြည်တတ်သွားသူတွေ မနည်း။ သူ့အမည်ကား ပိုင်။

အမျိုးသမီးချင်း စိတ်၀င်စားသူတစ်ယောက်အဖြစ် မိမိကိုယ် မိမိ လက်ခံခဲ့သူ၊ ခန္ဓာကိုယ်အောက်ပိုင်း ဆုံးရှုံးလုနီးပါးအထိ ဆန္ဒပြခဲ့သူ၊ ပုံမှန်လမ်းပြန်လျှောက်ဖို့ တစ်နှစ်ကျော်ကြာ ကြိုးစားခဲ့ရသူ အခက်အခဲများစွာကို မေတ္တာဖြင့် ကျော်ဖြတ်ခဲ့သူတစ်ယောက်၏ ဘ၀အကြောင်း။

တော်လှန်ရေးအပေါ် မျှော်လင့်ချက်ကြီးသော လူငယ်တစ်ယောက်ဖြစ်သည့်အပြင် ပြည်သူ တစ်ယောက်ချင်းစီတိုင်းကို ရသင့်ရထိုက်သော အခွင့်အရေးတိုင်း ရစေချင်သော သူမ။

ဘ၀ရည်မှန်းချက်ကို နည်းပြကောင်းတစ်ယောက်ဖြစ်လာဖို့ သက်မှတ်ထားသူ၊ တော်လှန်ရေး၏ နိုင်ခြင်း ရှုံးခြင်း၏ အရေးပါမှုကို ရိုးရိုးရှင်းရှင်း မြင်သာလာအောင် ပြောပြနိုင်သော သူမ၏ စကားများကို တော်လှန်ခြင်းများနှင့် ခေတ်သစ်မြန်မာပြည်မှာ နားဆင်နိုင်ပြီဖြစ်ပါတယ်။