စကားဝိုင်း(၄) မှာပါဝင်ထားတဲ့ guests နှစ်ယောက်ကတော့ စကိတ်ပညာရှင် အယ်လီဒရူမွန် (Ali Drummond) နှင့် မြန်မာ့ ပင်လယ်လှိုင်းစီးအဖွဲ့ လက်ရွေးစင် နိုင်ဒါစိုး (Nida Soe) တို့ပဲဖြစ်ပါတယ်။

အင်္ဂလန် နိုင်ငံမှာကြီးပြင်းပြီး မြန်မာလိုကျွမ်းကျင်စွာပြောနိုင်တဲ့ Ali ကတော့ SOAS University of London မှာမြန်မာစာနှင့် ဘွဲ့ရပြီး မြန်မာပြည်ကိုရောက်တာ၈နှစ်ရှိပါပြီ။ ရန်ကုန်တွင်းရိုက်ကူးရေးလုပ်ငန်းတွေလုပ်ရင်း documentaries များစွာကိုလည်း producer အနေဖြင့် ထုတ်လုပ်ထားပါတယ်။ Pushing Myanmar အမည်ဖြင့် စကိတ်အဖွဲ့စည်းကို နေရာအသီးသီးကနေ ပံ့ပိုးဦးဆောင်နေသူတစ်ဦးလည်းဖြစ်ပါတယ်။

Nida ကတော့ ကယ်လီဖိုးနီးယားပြည်နယ်ရှိ University of Southern California တက္ကသိုလ်မှGEO Design ဖြင့်ဘွဲ့ရပြီး သူမအလွန်နှစ်သက်သော ပင်လယ်လှိုင်းစီးအားကစား (surfing) ကို မြန်မာ့လက်ရွေးစင် တစ်ဦးအနေဖြင့် ၂၀၁၉ SEA Games မှာဝင်ရောက်ယှဉ်ပြိုင်ခဲ့ပါ တယ်။ အခုဆို Nida က Surf Association Myanmar မှာ ဒုဥက္ကဌ အနေဖြင့်ဒီအားကစားကိုပိုမို ဖွံ့ဖြိုးတိုးတက်အောင်ကြိုးစားနေလျက်ရှိပါတယ်။