ريم جميل صحفية وكاتبة ورئيسة تحرير، شغلها دايمًا مهتم بالثقافة والقراية، وبإزاي الزحمة اللي حوالينا بتأثر على تفكيرنا ووعينا بنفسنا.

في الحلقة دي، إيتن وريم بيتكلموا عن الفلتر اللي بقى موجود في دماغنا من غير ما نحس، واللي بيحدد إيه اللي بنشوفه ونستهلكه كل يوم، وبيخلّي دماغنا تتعب وتتآكل على مهَل. الحوار بيفتح فكرة إزاي ننتبه للفلتر ده، ونوسّعه بوعي، ونفهم إمتى نحتاج فعلًا نخلي بالنا من دماغنا.

الحلقة بتدخل كمان في التعب الذهني اللي بقى إحساس عام، مش لأننا كسالى، لكن لأن دماغنا محمّلة أكتر من طاقتها. فلتر اتكوّن من التصفّح المستمر، والمقارنة، وكتر الأصوات، وبيغيّر طريقة تفكيرنا من غير ما نحس. ومن هنا بنوصل للقراية، مش كعادة إنتاجية ولا إنجاز، لكن كمساحة نرجع فيها لنفسنا ونفكّر على مهَل.

الحوار ده اتسجّل قبل صدور كتاب ريم الجديد، وده يمكن اللي مدي له صدق أكتر، لأن الأفكار كانت موجودة قبل ما تتحوّل لنص مكتوب. دلوقتي روايتها «نادي الفيديو» نزلت رسميًا، وبتاخد القارئ لمصر في التسعينيات بكل تفاصيلها: النوستالجيا، السينما، والمزاج العام، من خلال شخصية يوسف وحلمه بإنشاء نادي فيديو، ومعاه قصة حب تحسّ إنها مكتوبة عشان تتحوّل لفيلم.

Hosted by @eitenzeerban

With @reemgamil

🎥 Check out our new YouTube channel: @dardasha.unfiltered
📱Follow us on social media: @eitenzeerban & @dardasha.unfiltered on Instagram and TikTok

Hosted by Simplecast, an AdsWizz company. See pcm.adswizz.com for information about our collection and use of personal data for advertising.