Hoxe vos propoñemos un xogo interxeracional. Dúas persoas: unha nacida nos anos 40 e outra despois do 2000. Como usan o facebook, como fan as beiras ou como viaxan unha persoa...?

Mais diversión coa canción explicada: "Bambú" de Miguel Bosé e moito teatro co grupo Escoitade, que nos veñen contar da gravación de Peer Gynt e da escola de teatro.

Programa moi variado e moi local.

Falamos sobre o raku, unha técnica de cerámica sobre a que se está a impartir un obradoiro na Casa de Montes de Valladares.

Tamén, sobre o XXIII Festival Folclórico Internacional que comeza hoxe en Vigo cunha actuación no auditorio do Centro Cultural de Valladares con grupos de Turquía e Cuba.

E da I Romaría das Carballeiras, pola defensa do bosque autóctono galego, que vai ter lugar esta fin de semana na Capela de San Cibrán en Bembrive.

Programa moi musical para comezar a semana despois dunha fin de semana tan festeira. Ó fío da Festa do Carme, facemos un ranking coas cancións máis ocurrentes adicadas ás Cármenes. E coma todos os luns, na sección de Germán Son, A chamada da cousa, divagamos sobre a figura de Dionisio e Baco.

Bo día! Esperta Valladares! Quen son os millenials? A que adican o seu tempo? Como lles gusta vivir? Hoxe, debate interxeneracional.

E tamén, a todos os que nos escoitades vos preguntamos "Que é o que por mais que che expliquen non che entra na cabeza?". Moita participación nas redes sociais, coma sempre.

Dámoslle unha voltiña á axenda cultural para o fin de semana, moi intensa, por certo, que xa estamos no verán!!

Día mundial do Rock!

Abrimos Esperta Valladares co ranking das 20 mellores cancións de rock; paseamos polo panorama de rock vigués con Jesús Hidalgo, de Discos LP; e nunha parroquia tan rockeira, non podían faltar os festivais: O Revoltallo, cun dos seus primeiros organizadores, Carlos Alonso, e o Freixo Rock, cun dos grupos habituais, Demencia Sonora.

Let's rock!

Moi fresca esta mañá en Esperta Valladares!

Nova sección de análise sociolóxico "made in Valladares" con Zaida, veciña da parroquia.

E se inda non escoitástedes "Felices los 4" de Maluma, explicamos a letra con moita moita retranca da nosa.

A música en directo a poñen Psaiko Quartet, un grupiño de rapaciños moi novos do Conservatorio de Palma de Mallorca. Moi recomendables!

En Esperta Valladares hoxe temos debate! As pensións e seu futuro con Henrique Vieitez e Diego Monroy.

A parte musical ven da man dos profesores de clarinete, César Posada e Xocas Meijide, do curso internacional de clarinete e saxo que está tendo lugar esta semana en Valladares.

No programa de hoxe con nós, Tomás Alonso, un dos mestres de saxo do Curso Internacional de Saxos e Clarinetes que ten lugar do 10 ao 14 de xullo en Valladares.

E tamén moito deporte. Patinaxe con Tamara Valderrama, que ven falar do Campionato Galego de Patinaxe celebrado esta fin de semana no pavellón de Valladares. E das travesías a nado con Diego Monroy, que estivo na recente travesía a nado de Nigrán.

As portas do finde ábrense en Esperta Valladares!! Viaxamos a algún dos moitos festivais: ó SeaFest co seu director, Alberto Alonso; ó ImaxinaSons co pianista Xan Campos; a VigoTaku, festa otaku sobre cultura xaponesa... repasamos a axenda cultural para sábado e domingo. Un cóctel combinado co tema do día... xente que colecciona cousas raras.

Hoxe no programa falamos deses nomes raros de lugares, persoas... cantos nomes raros coñecemos? Visítanos o percusionista cubano Yuvisney, que actúa no festival ImaxinaSons, e tamén teremos con nós a Franscisco González, responsable de XiraKarting. Ademáis, escoitaremos historias da parroquia: "A do Bar Rial".