Conversamos co vigués Nico Rodríguez que ven de acadar a medalla de bronce nos xogos olímpicos en vela 470, co seu compañeiro Jordi Xammar.

Ademáis, coñecemos empresas viguesas.

Descubrimos os tecidos non tecidos de RCfil NON-TEX e os productos de Animosa inspirados nas grandes mulleres da historia.

Ás veces, non nos decatamos de todo o que temos en Galicia. Que alguén nolo conte dun xeito diferente permítenos comprendelo e valoralo.

Os Quinquilláns fan visitas teatralizadas en diversos puntos de Galicia. Aquí preto en Santa Tegra e en Porriño.

Ó mundo das profesións do mar, achegámonos co Turismo Marinero Amarturmar.

E con alguén que desfruta contándonos a historia das pedras todos os martes, imos ata o Mosteiro de Carboeiro e baixamos ata a ponte do Demo.

Se inda no pisástedes os museos da cidade hoxe tendes un plan: a noite branca. Para facervos as ganas, achegámonos ata o Museo do Mar de Galicia.

E, como é venres, un chisco de música. A dos saxos, con Tomás Alonso López sobre o Vigosaxforum, que tivo lugar a semana pasada en Valladares.

A última parada do Esperta é na enseada. Imos conversar coa cineasta Diana Toucedo da súa última curta “Tatuado nos ollos levamos o pouso”.

Achégase a fin de semana… traemos plans, propostas para celebrar. Un brinde cun bo viño do Ribeiro, Ramón Do Casar; un café de Root Café, da man do barista Marcos González; e unha boa peli, que Eloy trae algunha proposta interesante.

Rapaces, mochila ó lombo. Imos de senderismo por Galicia adiante con Rutea.

Tamén hai tempo para conversar con Avelaíña Asociación Saúde Mental, que traballa no Baixo Miño dando apoio ás familias.

E volve Rebeca, de Comuna Nutritiva, desta volta a falar de como orientar as vacacións dun xeito saudable, flexible.

Os castros… vemos as imaxes non en blanco e negro, pero casi, en marróns e grises, e resulta que non, que había un amplo abano de colores. Sobre iso imos falar con Paco Boluda, que entre os seus proxecto ten a recreación en 3D do castro de San Cibrán de Las.

Un pouco de música, da man de As Efémeras e o seu son “furancheiro”, para alegrar o verán.

E de remate outro chisco de patrimonio, imos de castelos! Ata o de Santa Cruz en Oleiros.

O Samil é Portugal... ainda que ás veces somos nós os que tomamos Valença. Un exemplo desta realidade compartida é o MUMi - encontro profesional de música de Galiza e Portugal, que vai ter lugar en setembro entre Tui e Valença. Conversamos con Aitana Cuétara.

Na secundaria os rapaces xa teñen a opción de aprender o idioma da outra beira do Miño. Hai 65 centros dos 250 que hai en Galicia. Falamos con María José Rial, a única profe de portugués no IES Álvaro Cunqueiro de Vigo. O apoio das institucións fai que en Extremadura haxa 9000 alumnos fronte ós 3000 estudantes galegos.

Capitán Alga son daquí. Tráennos unha proposta para o almorzo. Algas xa é un ingrediente imprescindible nalgúns restaurantes.

A tradición cooperativista galega remóntase a mediados do século pasado. E agora entra no s.XXI da man do SAVES. Queredes saber que é? Explícanolo Carlos Iglesias, investigador do grupo ECOBAS.

E xa que é venres, proposta de cervecita, música e praia. Imos ó Chiringuito Deilan en Vilaboa conversar con Elena, que leva tres veráns neste curruncho da enseada propoñéndonos tardes de concertos de calidade.

Emerxencia cultural! En Ourense téñenno claro. Seguindo o modelo dalgunhas cidades latinoamericanas puxeron en marcha o proxecto Emerxencia Cultural Ourense. Falamos con Tomás Lijó das reivindicacións deste colectivo e das accións lóstrego que levan a cabo na súa cidade. E en Vigo? Escoitamos opinións de artistas que utilizan a rúa como espazo de encontro.

E ademáis, Eloy trae cine. A súa película no campo de voluntariado de Soutomaior.

A porta do Atlántico foi pensada para estar onde está. Imaxinádela noutro lugar da cidade? Co escultor Remixio Davila falamos disto.

Ademáis, coñecemos as embarcacións tradicionais da Península, que esta semana deberían estar navegando pola ría dentro do encontro organizado pola Asociación Sueste.