Escoitamos “Peixe”, o disco de Xisco Feijóo.

E descubrimos o mosaico romano de Panxó. Hoxe está en Nova York, de onde agarda recuperalo a asociación pola súa repatriación.

Este domingo 1 de agosto será o Lughnasadh. Que é? Mellor que nolo explique Manuel Santos-Estévez, un dos arqueólogos que traballou no castro do facho de Donón.

Dos contos que circulan polo camiño a Compostela conversamos con Pep Bruno. Mil anos de contos: os bos sobrevivían, os malos... morrían de fame. Con el descubrimos ós xograres de boca. Nalgúns lugares da peregrinaxe tiñan ata 3 “contratados”.

Co gallo do 50 aniversario do Teleclube de Valladares imos dar unha volta pola nosa historia. Falamos do pasado. Dende Instituto de Estudios Vigueses cóntannos o que había ata a chegada dos teleclubes. Os primeiros na cidade foron o de Coruxo e o de Valladares. Conversamos cos pioneiros.

Os novos usos do monte ás veces son os máis tradicionais. Nos Ancares saben diso como demostran proxectos como A Carqueixa, que coa súa gandeiría case que heróica, están devolvendo a vida á contorna.

Dende Waterpolo RCN Vigo teñen moito que contar. O proxecto de reflotalo neste clube comezou hai 10 anos… e vai dando xa froitos: O equipo senior masculino ven de gañar a liga autonómica e quedar séptimo no campionato de terceira división nacional. E o feminino quedaron subcampionas na liga feminina de División de Honor a nivel autonómico. En xeral, en Galicia o nivel anda xustiño para chegar a unha division nacional. Cada ano están mais cerca dos fortes: Cataluña, Madrid, País Vasco e Andalucía!

Paramos en Galifresh, a ver en que andan metidos. Unha papilla de brécol, berza e grelos que axuda ós maiores de 70 anos a mellorar o tránsito intestinal.

Novas propostas de materiais cos que vestirnos… a partir de redes de pesca. Conversamos coa Cooperativa de Armadores. Jorge Romón é o xefe de proxectos e adentrános no mundo da pesca: medioambiental, social e económico.

Xacobeo 2021-22

A meta é Compostela cunha catedral que quedou ben aqueladiña despois de moitos anos de traballo de ferreiros e canteiros, entre outros.

A pedra luce de novo gracias ós canteiros de Renovatio SL Sabíades que son de Vigo?

Inda que Santiago é o epicentro, en Galicia temos moito mais patrimonio. Da súa situación conversaremos coa Asociación para a defensa do Patrimonio Cultural Galego.

Dende Allariz, Asociación ANDREA traballa na conservación dos burros cos que tamén fan terapia os enfermos de Alzheimer.

Chegou o verán, as vacacións… que plans tendes? Falamos de propostas de ocio, pero activo conTerritorio Comanche… vai por diante un verán cheo de propostas interesantes!

De reducir e reutilizar como compromiso social falamos con Cáritas para que nos conten como están os comedores sociais e cales son as súas necesidades. Tamén damos unha volta polo mercado de Teis. Lembrades o regateo das peixeiras a ú ltima hora? A versión moderna son packs de 12 euros. Un día van chinchos, outro centolas... Conversamos con La Pescadería de mi Barrio, que entrou nas redes sociais e nas aplicacións como aposta persoal e a pandemia consolidou o seu proxecto.

De xornalismo e de novas que importan e hai que buscar con lupa conversamos con Reporteros Sin Fronteras. O seu director en España, Alfonso Armada, rescata do esquecemento a sección de cartas ó director. Ten a súa importancia. E tamén recomenda unha lectura “Mi hogar es cualquier parte”. Unha lectura para pensar en quen somos nos xornalistas para falar en nome de… Criticando a actitude paternalista cando falamos dos refuxiados.

Este sábado é o Día do Medioambiente. Na Senda do Moucho, ademáis de programar saídas ben xeitosas, sacaron un libro de sobre a flora que podemos atopar na serra dos Ancares. A que non sabíades que en Vigo, gracias ós peches perimetrais, a natureza recobrou cousiñas como orquídeas na zona da Travesía? Buscádeas, que ainda están en flor.

Pauliña presenta este sábado en Valladares o seu novo traballo. "Testemuñas", un botar para fora e rexenerarse acompañada dun feixe de bos músicos.

De como escribir con xeito no día a día, falamos con Armando Álvarez, xornalista deportivo no Faro de Vigo. Vinte anos contando os deportes aportan unha visión interesante de como está na cidade.

Remata a xira da obra “Camiños!”, de ButacaZero, falamos co seu director, Xabier Castiñeira sobre a cultura tradicional galega. Estanos a protexer ou nos está obrigando a facer repetir sempre o mesmo.

Ademais, traémosvos unha nova versión do tradicional xogo da oca, desta volta inspirado na actualidade e deseñado por Jorge Alonso. https://www.jorgealonsodibujos.com/juegos-de-mesa.html