Publicado por Hércules de Ediciones conta cos textos de Maite Vence, Manuel Vicente e Andrea Bures. As ilustracións son de Clara Cerviño. Estamos ante un libro de divulgación científica, un libro que nos fala de científicos e científicas galegas que son moi descoñecidos para a meirande parte da poboación. Queremos que a rapazada os coñeza, que saiba que tamén nese campo temos destacado dende Galicia.