Euskara – Irati Irratia

Euskara – Irati Irratia

By
Download on the App Store

Euskara – Irati Irratia episodes

  • Ibai Trebiño izanen da Irati irratiko esatari berria

    Eneko Villegasek pasa dio lekukoa Irati irratiko mandoetan ariko den Ibai Trebiñori. Eneko berarekin izan da astean zehar hedabidearen ingurukoak azaltzen eta aprobetxatu egin dute unea Ibai bera ezagutarazteko.

    Ibai gasteiztarra dugu baina hobe litzateke mundu gizona dela aipatzea. Komunikazioan ibilia eta zonaldea hagitz ongi ezagutzen duen laguna dugu, urte zenbait baitaramazki lanean Garazi eta Aezkoa aldean. Komunikazioan ez ezik musikan ere bere sartu-irtenak egindakoa dugu, ziur emankizun bikainak prestatuko dituela gure uhinetan.

    Ibairi buruz gehiago ezagutu nahiko bazenu hemen duzue aukera. ZORTE ON ETA ONGI ETORRIA IBAI!

     

     

    Ibai Trebiño Irati Irratian

    14 min
  • Euskarari puzka eginez sustraietatik espaziora eramateko deia

    Udazkenarekin batera gurera dator berriz ere Errigorako Euskarari Puzka kanpaina. Modu soilean saskien kanpaina dugu hauxe eta aurten berritasunak dakarzkite. Auzolanean euskara sustraietatik espaziora lemapean 3 saski izanen dira eskuragarri Beltza (60€), Berdea (65€) eta Gorria (75€), Berdea alkoholik gabekoa izanen litzatekeelarik. Saskietaz aparte aurten Lodosako ikastola laguntzeko egutegi landagarri bat eskuratzeko aukera izanen da 10€tan, hilabeteak pasa ahala orriak landatu eta lore bat ernalduko da. Nobedade hauek Errigorako kidea den Adriana Urmenetak ekarri dizkigu eta baita Ablitasen azaroaren 7an izanen den auzolan erraldoian parte hartzeko gonbidapena luzatu ere.

     

    Eskaerak egiteko : Errigora saskiak

      

    Adriana Urmeneta Irati Irratian

    0 min
  • Gau-beltzaren inguruko jardunaldiak antolatu ditu Taupa Mugimenduak

    Taupa euskatzaleen mugimenduak Gaubeltzaren ospatzea areagotzeko erronka ezarri du. Zenbait herritan uztaren amaiera eta bazterrak xaxatzeko hautua hartzen zuen ospakizuna geroz eta jende gehiago erakartzen du. Urriaren 31n ospatuko da zenbait herritan Gaubeltza. Ospakizun bera ardatz zenbait formazio eta jardunaldia antolatu ditu honen ingurukoak behar bezala azaltzeko.
    Herri jolasa bat ere ondu dute honen lanketa ahalbidetuko duena eta guzti hau datorren urriaren 28ko jardunaldietan emanen dute aditzera. Jardunaldiak direla eta Taupa Mugimenduko kidea den Naiara Urkijo Zarranz izan da gurean.

    Izen ematea : Gaubeltza jardunaldia 

     

    Naiara Urkijo Zarranz Irati Irratian

    8 min
  • Bueltan dira Agoitz eta Auñamendiko Literatur Solasaldiak

    Ikasturtearekin batera bueltan dira Mikel Antzak dinamizatzen dituen literatur solasaldiak. Hilabetero liburu bat hautatu eta honen inguruan bakoitzak jazotakoak partekatzen ditu beste irakurleekin. Aurten Palestinan egokitutako eleberri bat izanen dute lehen saioan hizketagai, Adania Shibliren Detaile Xume Bat, xumeki baina bikainki adierazten duena palestinarren egoera.
    Datorren astean biltzear direnez gaur gurean izan dugu Mikel solasaldien inguruan elekatzen eta gu animatzen parte har dezagun.

    Literatur solasaldien hitzorduak:
    – Urriak 26 Agoitz-Euskararen etxea 18:00etan
    – Urriak 27 Aurizberri- Sabaian 18:30tan

     

     

     

    Mikel Albisu Iriarte Irati Irratian

    6 min
  • Xanti Begiristain Madotz: Margaritaren Heptamerona

    Asteburuan Erriberrin Margarita erreginak ekoitzitako Heptameronaren irakurraldi ekitaldia izan da. Urtero errepikatzen den ekimena dugu hauxe 2020. urtean euskaratu zenetik 75 istorioz osatutako obra hauxe. Irakurraldi honetan Xanti Begiristain izan zen eta Heptameronaz eta irakurraldiaz solastu zaigu gaurkoan.

    Xanti Begiristain Irati Irratian:

    11 min
  • Abiatuko da ikasturtea Zaraitzu eta Erronkariko irakurle taldeetan

    Mintzakuadrillatik heldu berri izan dugu gaur gurean Josu Jimenez Maia. Honen dinamizatzaile izan ezezik, idazle eta Zaraitzu ta Erronkariko irakurle taldeen dinamizatzaile ere bada. Ikasturtearekin batera itzuli dira liburuak irakurri eta elkarrekin partekatzera irakurgai horietan sorturikoak. 

    Lehen hitzordua bihar urriaren 1ean izanen da Ezkarozeko Arrola Errotan, zeinetan Miren Amurizaren “Basa” eleberria landuko duten. Bigarrena, Erronkariko Bidankoze herrian izanen da, bertako udaletxean batuko dira Erronkariko irakurleak Nerea Baldaren “Azpimarrak” eleberriaren ingurukoak lantzera.

    Hauek eta gehio kontatu dizkigu Josuk gaur gurekin egindako elkarrizketan. 

    Irakurle taldeetan izena emateko aukera bada, euskara zerbitzura deituta. 

     

     

    Josu Jimenez Maia Irati Irratian

    12 min
  • Zeruari so jarriko gaituzte Porrotx, Marimotots, Pupu, Lore eta Birtxik Agoitzen

    39 urte daramazkite Katxiporretako lagunak euskal irria eraikitzen, maitasunez herriz herri euren mezu eta umorearekin zipriztinduz. Agoitz urtero izaten dute sudurgorrion topaleku eta hala izanen da gaurkoan, “Zerua lapurtu dute” ikuskizuna baitakartzate. Kutsadura luminikoak zeruko izarrak lapurtu dizkigula Birtxi Farozainarekin abenturatan murgilduko dira Porrotx, Marimotots, Pupu eta Lorek. Agoitz zerura begira jarri eta naturarekin birkonektatzea izanen dute helburu. Ziur irriek bere lekua izanen dutela eguraldia dela eta Toki Eder pilotalekuan ospatuko den emankizunean.

    Honen aitzakipean Josemari Agirretxe Porrotx izan dugu gaur gurean eta mezu ederrak utzi dizkigu baita gonbidapen berezia egin ere.

     

     

     

    Jose Mari Agirretxe Porrotx Irati Irratian

    19 min
  • Porrotx eta Marimotots, Agoitzeko Euskararen eguna eta Literatur Solasaldiak

    Euskararekin zerikusia duten gaiak dakarzkigu normalean Idoia Zabaltzak bere kolaborazioetan. Gaurkoan euskarazko edo euskararen inguruko hiru ekimen ekarri dizkigu. Astelehean Agoitzen Porrotx, Marimotots, Pupu eta Lore izanen ditugu “Zerua lapurtu digute” ikuskizuna eskaintzen. Hori bakarrik ez eta urriaren 10ean Agoitzen Euskararen Eguna antolatu dute euskara maitatu eta erabiltzearen aldeko ekimena izanik. Bukatzeko, euskarazko literatur solasaldiak aipatu dizkigu zeinak Agoitz, Auñamendi, Zaraitzu eta Erronkariko irakurleak batzen dituen euskaraz irakurri eta irakurketak partekatu ditzaten.

    Idoia Zabaltzastrong> Irati Irratian:

    11 min
  • Larunbatean ospatuko da Auritzen Kantu Eguna

    Urte batzuk dira Erroibar eta Auritzen bertako kantu-zahar zenbait berreskuratu zituztenetik. Berreskuratu ez ezik tailer zenbait egin zituzten jendeak ezagutu zitzan eta bertan 60 bat lagun hartu zuten parte. Ezkeroztik bertako taldeen kantutegian ditugu kantu horiek eta egitasmo honetatik eratorri zen ere Kantu Eguna. Aurten larunbata honetan izanen dugu Kantu Eguna, Auritzen. Kantuzarrak kantatu eta giro goxoan egoteko aukera paregabea eskaintzen delarik. Hala ere, kantuzar horiek bergogoratzeko entseguak egiten dabiltza inor atzean gera ez dadin. Hau guztia kudeatzen laguntzen dabilen Maria Almirantearena izan dugu gaur gurean. Berak azaldu digu zer izanen da larunbatean Auritzen topatuko duguna.

     

    Maria Almirantearena Irati Irratian

    6 min
  • Gaur hasiko da Mugaz Gaindiko Uskararen Astea

    Iturzaetako Bortu Martxetan piztutako grinak bultzatuta Xiberua eta Zaraitzu arteko harremanak sendotze bidean eratutako ekinaldia da. Uskara ardatz hartuta mugaz gaindiko erlazioak areagotu eta normalizatzea litzateke funtsa eta hortara dator Uskararen Astea. Ligin hasiko da tailerra baten bitartez, gerora Ezkarozen errepikatuko dena. Bertan uskararen egoeraz eztabaidatu eginen dute, muga bi aldeak harilkatzen duen hizkuntzaren egoeraz jabetzeko. Ondoren, larunbatean Ezkaroze eta Otsagabian batu eginen dira harreman horiek estutu asmoz betiere uskara ahoan izanik.

    Egitasmo berezia berez, gaur tokia egin diogu gure uhinetan beste zonaldetako lagunak animatu daitezen honelako ekinaldiak antolatzera. Hau azaltzen izan dugu antolatzaile lanetan dabilen Xabier Maiza laguna.

    Xabier Maiza Irati Irratian

    9 min

About Euskara – Irati Irratia

From the publisher's feed

107.7 fm (Auñamendi) / 107.5 fm (Agoitz) iratiirratia.eus