介紹 捲尾猴既特性，出現既地方

推出"法蘭西有聲好書推介"呢個環節嘅原因係因為小弟知識貧乏少睇書 希望透過睇書讀書以及用聲音演繹去到強化自己嘅寶庫 由今日開始每個星期透過有聲好書帶大家一齊睇書📖  唔知道菠蘿油對你嘅第一印象係點樣？平時有多唔多喺茶餐廳叫菠蘿油食，當中你又知唔知道究竟茶餐廳師傅係點樣整菠蘿油，從而影響菠蘿油嘅味道 等家權哥帶你搵返菠蘿油原有嘅味道啦😊

法蘭西有聲好書推介第二集：  唔知道你哋有幾耐冇用過公眾電話亭啊？一個個喺街邊嘅電話亭曾經係香港人嘅集體回憶之一，依家只係剩返好少好少 小弟就冇經歷過喺電話亭打電話，但係睇完呢本書之後就好感受到電話亭嘅嗰份情懷，因為小弟對於電話周邊嘅產品特別有興趣，所以今集法蘭西有聲好書推介呢一個環節就想介紹呢一本淘汰中的公物電話亭，希望小弟今日讀嘅呢一篇文章可以引起你哋嘅共鳴📞😄 （今集中間有視像：電話設計圖片）  書本資料： 書名：淘汰中的公物電話亭 作者：徐振邦 出版社：亮光文化有限公司 出版年份：2021年7月初版  

本集尾歌： 方大同 薛凱琪—-復刻回憶

星期一嘅晚上又到第三集嘅法蘭西有聲好書推介，今集嘅書本係講有關於說話技巧，叫《就算很緊張 也要說得很大方》，點樣向身邊嘅人Say no既技巧，所以呢個Chapter我好鍾意 小弟更需要學習 今晚11點上架，希望你哋支持啦😊

又黎到星期一 如果我問你 你今日你忙完未啊？香港都市人十個有九個忙 唔知道你嘅生活係咪只係全部都係工作？正所謂work-life balance, 除咗工作以外 你嘅生活時間又有幾多呢？又或者你俾屋企嘅時間又有幾多呢？今集法蘭西有聲好書推介就有司徒永富先生嘅作品樂活職場嘅聲音演繹，由佢同你哋講吓關於工作同生活之間點樣平衡呢？感謝支持😊

唔知道你哋去旅行嘅時候所觀察嘅嘢又有幾多呢？去到每一個景點停留嘅地方 風景都唔同，呢本書嘅作者旅行比喻為夢想一樣，沿途走嘅路總會高高低低，但係都唔可以停，無論如何都要堅持走完，而今集就等呢本書嘅作者Peter Siu用一個文青而勵志嘅形式去說書，今晚11點法蘭西有聲好書推介準時上架 感謝支持😊

上星期有新聞報道指新巴仲有一年嘅時間就因為專營權問題而結束，小弟對新巴嘅消失有啲依依不捨 因為小弟都係一個巴士迷，雖然我最鍾意嘅都係九巴，但係咁究竟新巴係由幾時開始有？新巴嘅誕生同埋中間嘅過程又係點？就要收聽今晚嘅法蘭西有聲好書推介啦😄

話說星期六晚就去咗書展 估唔到就撞到夏蕙BB 咁就買咗佢本書支持佢同埋同佢影相，都係今年最大嘅收穫。 夏蕙BB即將移民，呢本書係佢第一本嘅著作，裏面有提到夏蕙BB亦都有一段故事，佢嘅諗法，記得唔好錯過 想知道，就記得支持今集嘅法蘭西有聲好書推介啦 聽日書展仲有一日，記得買夏蕙BB嘅著作 《夏蕙回憶錄》

今晚法蘭西有聲好書推介同你地講吓愛情 唔係我講 而係森美大哥 佢好多時候都係電台節目講有關於愛情嘅話題，所以小弟去年嘅書展都有買森美大哥嘅書，免費的快樂 而今晚嘅將章節會同你哋講吓 點樣用交友app識女仔同埋點樣去建立自己個人嘅品牌 對於單身同埋小弟嚟講都係好有用 如果即將準備想追女仔嘅你哋就要密切留意收聽啦 今晚11點準時見

好耐冇講街道嘅故事，呢一個topic亦都係小弟比較有興趣嘅 因為本身自己都鍾意聽故事 尤其係舊香港，一個街道反映社區嘅變遷    小弟係住沙田，所以今集小弟都揀咗一條自己非常之熟悉嘅街道 亞公角街，呢條街有好多巴士線經過 但係好少停低落嚟去到發掘呢條街背後嘅景物同埋故事，不如今集就由小弟法蘭西用聲音去演繹你喺條街度背後嘅故事 原來係同一個漁村有關 原來竟然係同黑社會有關 記得收聽今晚11:00嘅米奇與你🤪