OPEN HEAVENS

MATALA LE LAGI MO LE  GAFUA 26 IANUARI 2026

(tusia e Pastor EA Adeboye)

Manatu Autu: Faafoisia ē ua toe foi i tua (Restore backsliders)

Tauloto Tusi Paia: Iuta 1:22-23 “Ia ‘outou alolofa atu i nisi o ē ‘ua fa‘alētonu. A o isi, ‘ia ‘outou fa‘aola ‘iā i latou ma le mata‘u, ‘ia se‘i ‘iā te i latou mai le afi, ma ‘ia ‘outou ‘ino‘ino i le ‘ofu ‘ua pisia i le tino.”

‭‭

Faitauga - Tusi Paia: Luka 15:1-7

E te iloa se tagata sa kerisiano muamua ae ua toe foi i le lalolagi? Afai e ioe, o le a lau mea o faia e toe faafoisia ai lea tagata ia Keriso? E mafai ona e faapea mai, sa e taumafai iai muamua e talanoa iai e toe foi mai ia Kerisi ae sa le manuia, peitai na e toe taumafai ea? E te faatagaina ea lena tagata e alu atu i Seoli ona e te lē manao e na te teena mai oe?

I le tele o tausaga talu ai, na matou o atu ma nisi o le aulotu e asiasi i se sui o le Ekalesia ua toe foi i tua, ma e faafetai, na toe foi mai i le Ekalesia. Peitai na toe foi i tua ma le toe sau i le lotu. Na matou faia mea uma ia toe foi mai i le lotu seia oo i le tulaga ua ou faapea atu, ‘ua ou le lavā, tuu ia e faia le mea e manao ai’. I le tele o tausaga mulimuli ane, na ou alu ou te lauga i se Iunivesite e ese mai le taulaga ou te iai. Ina ua maea, na ou manao e toe foi i Lagos i le taulaga ou te nofo ai, peitai na fai mai le Atua ou te alu i le itu faafeagai. Ou te leiloa poo fea o taitai iai a’u e le Atua seia matou oo atu i le nuu e iai le uso lea. O le taimi lena na ou iloa ai le mea o finagalo le Atua ou te faia. Na ou alu atu i lona fale, ma ina ua ou taunuu atu, na vavevave atu lona toalua e logo ua ou alu atu e asiasi i latou. E lei talitonu o ia, faapea o loo faia se togafiti malie a lona toalua seia oo ina sau i fafo, ma iloa o loo ou faatalitali atu mo ia. Na o le asiasiga lava lea na toe foi mai ai i le faatuatua. Masalo o ia faapea ia te ia lava, ‘tau lava o lona manatua o a’u ma sau e vaai au, i nei mau tausaga e tele, i faigata ma mea na teena ai a’u, ona ou iloa lea e moni lou alofa, ona ou toe foi atu lea’. 

Le au pele e, aua ete faagalo i se tagata ua toe foi i le lalolagi. Fesootai pea ma asiasi iai latou, tatalo, ma aua nei e tuua i latou seia galue Agaga Paia iai latou e toe foi mai i le faatuatua. Toe tasi a seisi valaau poo se asiasiga e ono faaolaina ai nisi tagata mai le faafanoga i seoli. Fai sau faaiuga e toe fesootai iai latou ua toe foi i le lalolagi ia toe faafoisia i le Alii. I le tauloto mai le Tusi Paia i le asō, o loo apoapoai mai, ia tatou alolofa i nei tagata. Fesootai pea iai latou ma aua nei tuua le tatalo ma tu i le va mo latou seia toe faafoisia. Ia manatua, e tele le taui mo le manumaloina o agaga, e pei ona fai mai le Tusi Paia o i latou e manumaloina agaga e susulu e faavavau e pei o fetu (Tanielu 12:3).