OPEN HEAVENS

MATALA LE LAGI MO LE ASO FARAILE 22 ME 2026

(tusia e Pastor EA Adeboye)

Manatu Autu: Fa’amasinoina fa’aleagaga 1 (Spiritually discerned 1)

Tauloto Tusi Paia: 1 Korinito 2:14 “Ae lē talia e le tagata fa‘aletino o mea a le Agaga o le Atua; auā o mea valea ia ‘iā te ia, na te lē mafai fo‘i ‘ona iloa, auā e fa‘amasinoina fa‘aleagaga.”

Faitauga - Tusi Paia: Numera 22:22-23

O le tauloto o le asō e faailoa mai ai iai tatou o le tagata faaletino e lē mafai ona iloa mea o le Agaga o le Atua aua e faamasinoina faaleagaga. O lona uiga e lē mafai e lea tagata ona mulimuli i le taitaiga a le Atua, aua e na te lē malamalama i mea o le Agaga e ono manatu foi, e valea. O i latou e savavali i le agaga e mafai ona latou faamasinoina mea faaleagaga. 

Mo se faataitaiga, a foliga mai e toatele tagata o taumafai e faaita se kerisiano, e leiloa pe o le tiapolo lea o loo saili se faamalama e mafai ona ia osofai atu ai. Afai o lea kerisiano e lē mafai ona ia famasinoina faalegaga fuafuaga a le tiapolo, e ono paū i le ita, e tuu atu ai loa ma le avanoa i le tiapolo e osofai ai o ia. E faapena foi se kerisiano e fetaiai faifaipea ma se tagata mativa, aemaise pe a faapea o totonu o le auuso, e ono finagalo le Atua i le kerisiano lea e fesoasoani i le sui o le auuso ina ia tatala ai e le Atua faamalama i faamanuiaga i lona olaga. Peitai afai e lē mafai e lea kerisiano ona faamasino faaleagaga ma faatuatuanai i tagata o loo manaomia se fesoasoani i le tausiga, e ono ia misia le avanoa e maua ai faamanuiaga mai le Atua. O le faamasinoina faaleagaga e matua taua i le tausinioga a soo se kerisiano. Fai mai le Faataoto 22:3 “O lē ‘ua fa‘autauta, na te iloa atu le leaga, ma lafi ai; a o ē ‘ua faigofie, e ō atu pea i latou, ‘ona fa‘asalaina ai lea.”

I le faitauga mai le Tusi Paia o le asō o le asini a Palaamo, ua ese ona uiga faaalia ao agai atu e feiloai ma Palako, e ui na faasāina e le Atua e alu (Numera 22:12). Na matua lē malamalama Palako i le faaleagaga ua matuā ia leiloa ai o gaoioiga a le asini e faia mo lona lelei. Ina ua lē gaoioi le asini agai i le auala o loo fia alu iai, ae ua na o le liliu ese, ua tago atu i le sasa le asini ia usitai ia te ia. Na iu na tautala mai le asini, e matuā uiga ese, ae ona e matuā leiloa e Palaamo ona faamasino faaleagaga, ua na leiloa ai, le matuā lamatia o lona soifua seia oo ina faapupulaina ona mata e le Atua. Ou te tatalo ia faamaai e le Atua ou fofoga faaleaga ina ia mafai ona e iloa atu se mea e te lamatia ai i ou luma, ma ia mafaufau lelei e alu ai e lafi, i le suafa o Iesu. 

O le leai o le faamasinoina faaleagaga ua tele ina faaumatia ai nisi aiga ma iu ina maliliu talavou ai tagata. O le mafuaaga lea o le faamasinoga faaleagaga, e tatau ona ia te oe i lau savaliga ma le Atua, mafutaga ma isi tagata faapea ma au galuega i le lalolagi. Ou te tatalo ia faamaai lou faamasinoina faaleagaga e fesoasoani ai ia te oe ia iloa atu tulaga moni o mea, i le suafa o Iesu. 

Tatalo

Tamā faamolemole fesoasoani mai ia te a’u ia faamasinoina mea uma faaleagaga ma ia iloa atu tulaga  moni o mea e tatau ona iai, i le suafa o Iesu, Amene