Today's reading: Part 1 of 5 of the Life and Passion of the Holy Hieromartyr Polycarp, Bishop of Smyrna, read in both Slavonic and English.

Part of the Slavonic text (hopefully the rest will be uploaded later):

Житїе и Страданїе Свѧтагѡ Свѧщєнномꙋченика Полѷкарпа Єпископа Смѵрнскагѡ

Смѵрна єсть градъ въ странѣ Іѡнїа нарицаемой, въ предѣлѣхъ меншїѧ Аꙁїи. въ томъ градѣ єпископствовавшꙋ свѧтомꙋ Вꙋколѣ во дни апостольскїѧ, бѣ нѣкаѧ жена вдова благочестива и боѧщаѧсѧ Бога, именемъ Калліста: та ꙗваенїемъ єй во снѣ и повелѣнїемъ аггелскимъ, прїемши малаго ѡсиротѣлаго отрока, сего свѧтаго Полѷкарпа, воспита єго во влагочестїи, и имѣ вмѣстѡ сына, беꙁчадна бо бѧше: и пришедшꙋ ємꙋ въ воꙁрастъ и раꙁꙋмъ совершенный, врꙋчи томꙋ всѧ, ꙗже въ домꙋ єѧ бѧхꙋ. Слꙋчисѧ же єй ѿити нѣкамѡ далече имѣнїй своихъ ради, и ѹмедлити дни доволны въ то времѧ блаженный юноша Полѷкарпъ творѧ милѡстыни нищымъ, и ѹбѡгимъ, сиротамъ, и вдовицамъ, и подаваѧ просѧщымъ хлѣбъ, и віно, и єлей, и всѧкꙋю пищꙋ, истощи всѧ хранилища госпожи питателницы своеѧ, милостивъ бо бѧше ѕѣлѡ: и єгда та воꙁвращашесѧ въ домъ свой, нѣкїй ѿ домашнихъ текши въ срѣтенїе ѻнѣй, воꙁвѣсти єй скꙋдость потребныхъ въ домꙋ єѧ, клевещꙋщи, ꙗкѡ Полѷкарпъ всѧ расточи нещаднѡ. и ѡпечалисѧ госпожа Калліста ѕѣлѡ: вшедши же въ домъ, абїе иде въ хранилища, и ѡбрѣте ѧ всѧкихъ благъ преисполненны: блаженный бо Полѷкарпъ прежде єѧ пришествїѧ помолисѧ къ Богꙋ, глаголѧ: Господи Боже, Ѻтче воꙁлюбленнагѡ ѻтрока твоегѡ, наполнивый сосꙋды вдовы Сарептѧныни при Илїи твоемъ пророцѣ, ты ѹслыши мѧ въ часъ сей, и сотвори, да во имѧ Христово всѧ сїѧ хранилища наполнѧтсѧ. и абїе послꙋша Богъ моленїѧ егѡ, и наполни домъ питателницы егѡ всѧкимъ благословенїемъ.