Во оваа епизода ви читаме една прекрасна приказна за емпатијата, несебичноста и пријателството. Приказната го следи малото кученце Поки и го учи на одговорност, значењето на вистинското пријателство и кое е вистинското значење на дарувањето подароци за Божиќ.

Оваа Божиќна книга е дел од Божиќните класици на Малите Златни Книги (Little Golden Books) и е една од омилените на Лео.

Забелешка: книгата е на Англиски јазик, ја преведувам читајќи, па некои грешки или паузи се ненамерни. 😊

40 епизоди ФЕМКАСТ! 🤩 А, токму оваа ми е и една од омилените - со син ми за вас ја читаме една од нашите омилени сликовници, „Елф“ инспирирана од култниот Божиќен филм со истото име, а во главната улога е добро познатиот Вил Ферел.

Првата епизода од ФЕМКАСТ излезе пред скоро 4 години, инспирирана беше од мојот тогашен вебсајт за животен стил и политика, ФЕМИТИКА.

Во овие четири години имав многу гостинки, зборував на многу важни теми за мене, а и за сите жени, зборував на теми за кои ретко кој сака да зборува. На многумина им дадов платформа кога никој друг не им даваше за да се претстават себеси, своите бизниси и успеси - им отворив патишта и таа заслуга гордо ќе си ја земам, иако многу од нив тоа го заборавија откако им тргна во животот.

Верувам дека ќе беа и повеќе епизоди доколку не направев едногодишна пауза од снимање, но како и да е ова е за мене значаен јубилеј.

Се надевам ќе уживате во епизодата, ја снимивме со многу радост. Главниот јунак заспа во текот на снимањето, но затоа мама ја заврши приказната до крај. 😄

Во оваа епизода од Приказна со Лео и Мама го читаме вториот дел од книгата „Сам Дома“ или „Сам Дома 2 - Изгубен во Њу Јорк“. Првата книга ја има во Македонија и со Македонски превод, меѓутоа втората нема Македонски превод. Оваа книга ја купивме лани од Амазон, бидејќи сакавме колекцијата да ни е целосна.

Книгата ја преведувам читајќи, така што однапред се извинувам за некои можни грешки. Се надевам ќе уживате заедно со вашите малечки.

Добредојдовте во нова ФЕМКАСТ епизода. ✨

Во оваа епизода со Лео ја читаме приказната ,,Кики” од едиција Сказни.

Учиме многу важни животни лекции, како да ја штитиме шумата и како да бидеме подобри кон планетата Земја.

Ако ви се допаѓа оваа епизода, многу ќе ни значи ако ј споделите со вашите пријатели. 😊

Добредојдовте во нова ФЕМКАСТ сезона! Четвртата сезона ја започнувам на малку поинаков начин од вообичаено, оваа сезона ќе го означи почетокот на мојата соработка со мојот омилен гостин досега или подобро кажано ко-водител, а тоа е мојот син Лео.

Во ова ново издание на мојот поткаст, еднаш неделно јас и Лео ќе ви читаме по една од нашите омилени приказни и книги кои секоја вечер ги читаме пред спиење со надеж дека ќе нè слушате заедно со вашите дечиња.

Целта на овој нов формат на мојот поткаст е квалитетно поминато време со моето големо момче: да научиме нешто ново и ние двајца, а и вие како наши слушатели.

Многу ќе ни значи ако ни дадете поддршка и го заследите и споделите нашиот поткаст.

Се надевам ќе уживате во овие епизоди.

Добредојдовте во последната епизода за третата сезона на ФЕМКАСТ.

Оваа епизода ми беше во план да биде со гостинка, меѓутоа не се наредија коцките како што планиравме и сепак таа епизода ќе остане за новата сезона која ќе започне на есен.

Во оваа епизода зборувам на една многу важна тема, емоционалната поддршка на мајките во постпородилниот период. Епизодата е кратка, меѓутоа многу прониклива и поттикнува разговор, а тоа е и целта: мора многу повеќе да разговараме на овие теми и да ја креваме свеста за истите.

Ви благодарам што бевте цела сезона со ФЕМКАСТ, се слушаме повторно на есен.

Добредојдовте во нова ФЕМКАСТ епизода! Во оваа епизода имам задоволство да разговарам со Катерина Антовска, угледен правен советник во ТВ Алфа, актуелен докторант по право на интелектуална сопственост и претседателка на влијателната невладина организација ИСЛАА. Ќе го истражиме фасцинантното патување во кариерата на Катерина, од справување со сложени правни предизвици до водечки значајни иницијативи во ИСЛАА. Ќе навлеземе и во нејзиното образовно потекло, нејзиното искуство со работа со поранешниот претседател на Македонија и како нејзините исклучителни ораторски вештини одиграа витална улога во нејзиниот успех. Плус, ќе добиеме увид во нејзините лични интереси и идни аспирации. 

Придружете ни се на прониклив разговор со Катерина Антовска!

Добредојдовте во уште една инспиративна ФЕМКАСТ епизода, каде што истражуваме во животните приказни, ритуали, кариери и секојдневие на извонредните жени кои прават разлика во нивните области. Денеска сум воодушевена што ми гостува Моника Зец Медуњанин. Моника е динамична жена која храбро се движи низ светот на претприемништвото и мајчинството. Нејзиното патување е доказ за моќта на издржливоста, внимателноста и потрагата по рамнотежа.

Моника не е само иницијатор во нејзиниот професионален живот, туку и посветена мајка која страсно ги споделува своите искуства и мудрост за мајчинството, свесното родителство и одржувањето на здрав начин на живот. Преку нејзиниот блог и популарниот Инстаграм профил, таа нуди искрен поглед на предизвиците и радостите на воспитувањето деца додека напредува во нејзината предизвикувачка кариера. Нејзините искрени дискусии за искуствата по породувањето и важноста на грижата за себе резонираат кај многу мајки кои се трудат да најдат сопствена рамнотежа.

Во оваа епизода ќе го истражиме повеќеслојниот живот на Моника, навлегувајќи во нејзините стратегии за постигнување хармонија помеѓу нејзината кариера и семејството, нејзиниот претприемачки дух и нејзините ставови за трансформативната моќ на мајчинството. Без разлика дали сте вработена мајка, аспиративен претприемач или едноставно некој што бара инспирација, зборовите на Моника сигурно ќе остават трајно влијание кај вас.

Придружете ни се додека ги откриваме мудростите и искуствата на Моника Зец Медуњанин во ФЕМКАСТ и подгответе се да бидете инспирирани од нејзиното патување на раст, рамнотежа и совесен живот.

Добредојдовте во нова ФЕМКАСТ епизода!

Во оваа епизода ми е чест што моја гостинка е Анастасија Илиевска, ТВ водителка и новинарка. Анастасија е искусна телевизиска новинарка која паралелно со нејзината впечатлива кариера се движи низ возбудливиот свет на медиумите притоа прифаќајќи ги радостите и предизвиците на мајчинството. Во текот на нашиот разговор, ќе навлеземе во фасцинантното патување на Анастасија, истражувајќи како ја започнала својата кариера во телевизиското новинарство, нејзините стратегии за балансирање помеѓу работата и мајчинството, како и значењето и влијанието на преминувањето од едно на две деца и создавањето четиричлено семејство. Придружете ни се додека ги откриваме искуствата, мудроста и советите на Анастасија за сите working moms во денешното динамично општество.

Добредојдовте во нова ФЕМКАСТ епизода! Во оваа епизода ми е чест да ја имаме Гордана Димитриеска Кочоска, потпретседателка на ВМРО-ДПМНЕ, како моја специјална гостинка. Таа е магистар по економија, вљубеник во бројките и математиката. Гордана е истакната личност во Македонската политика, првата жена потпретседател на една од најголемите политички партии во Македонија, како и поранешен дополнителен заменик министер за финансии. Ајде заедно да истражуваме во нејзиното животно и политичко патување, гледишта и аспирации за иднината, како и што може да очекуваме од неа после формирањето на владата.