Fyri hálvum øðrum ári síðan orkaði Rúni Thomsen nóg illa at ganga 100 metrar. Tann 5. juni í ár gekk hann allan vegin úr Akrabergi til Sandvíkar - umleið 40 kilometrar gjøgnum dalar og fjøll.

Tá Rúni stóð á vektini í februar í fjør, vísti hon 167 kilo. Hann var uppskrivaður til eina skurðviðgerð fyri fiti, men avgjørdi so at taka málið í egnar hendur. Eftir bara 10 mánaðum eydnaðist tað honum at missa 60 kilo.