Welcome Leute! Mir sind wider bäck mitere grosse Themefolg über Inspiration. 💥

Aber bevor mir is Thema innegönd bringemer beidi zwei Shines vode letschte Wuchene mit. D'Flavia beschriebt es Paradebispil vo Girlhood, wo sie selber erlebt hed und Jenny macht es churzes Debriefing vonere wilde Partynacht mit Trampolingumpe und Nacktbade. 👯‍♀️

Denn stiegemer ih in Kosmos vode Inspiration. ✨Was bedüted für üs eigentli Inspiration? Was oder wer duet üs inspiriere und was machemer wemmer au mal uninspiriert sind?

Zum Schluss segemer üs no gegesiitig zu was mir üs beidi scho inspiriert hend.

Ganz vill Freud bim lose!💛

🔗 ⁠⁠⁠⁠Fiasko Famoso Instagram

hoi zämme 💫 die wuuche hemmers leider nöd gschafft eh folg für eu ufzneh... defür chunt aber es chlises update in form vo shit & shine. mir hoffed beidi, dass ihr guet id wuuche gstartet sind und eu die 15min es bitzli unterhalted bis zude nöchste richtige folg. 🫶🏼 viel spass bim drilosse, DANKE fürs ihschalte und bis bald!

Dri gömmer wie immer. Jenny verzellt ih ihrem Shine, wieso DE Juni DE Monet vom Jahr wird und d'Flavia verzellt wie sie sich chle shity fühlt unter Lüüt, wo mega die Passion im Choche hend. 🫠

Wiiter gahts mitem grosse Podcast-Clash-Debriefing! Üsi Highlights und Lowlights. Ein Vorfall wird gnauer belüchtet, wo d'Jenny üs uf de Bühni beidi fast id Scheisse gritte hed. 😮‍💨

Zwüsched inne no bitz Slanguage School und denn verzellt Jenny ihri grosse Flughafe-Sause und wies dezue cho isch, dass sie vorere Polizistin muess exe, bises us ihrne Muulwinkel uselauft. 👮🏽

Viel Spass bim drilose!☺️

🔗 ⁠⁠⁠Fiasko Famoso Instagram

hoi zämme ✨ ih die laberfolg startemer wie immer mitme shit und shine und springed denn chli random vom einte thema zum nöchste... mer redet über s'fangis spiele im kanton züri, wie s'iis zwüsched de jenny und ihrere mitbewohnerin broche isch, de flavia ihre killer-satz bim erste date, ob mer arbeitskollege an eh home party chan ihlade und ab wenn d'jenny ready (gsi) isch für's JA-wort. vill spass bim drilosse :))

🎫 chum unbedingt am 28.05.26. an Podcast Clash im Exil z'Züri! Mir würdet üs freue dich z gseh – Tickets findsch da: ⁠⁠tickets podcast clash⁠⁠ 💥

🔗 ⁠⁠Fiasko Famoso Instagram

holaaa zusammen🚀

Mir gönd steil inne. Wieso d'Flavia ganzi 4 Mal nachenand "What the f***" wegere Begegning vode Jenny in Amsti seid und was d'Bulle vor de Türe bide Flavia hend welle. 👮🏽‍♂️

Denn gömmer übere is oversharing oder ebe ned. Wenn fühlemer üs als hättemer overgshared? D'Flavia und Jenny beschriebed en Situation, wo d'Jenny ganz klar finded, dass d'Flavia overgshared hed. D'Flavia isch im Gegesatz im erste Moment enttüscht & hinterfragt churz d'Fründschaft.

En Slangugage School heds au wiedermal innegschaft. Dasmal chönder paar Slang Wörter für de nächsti Email-Verchehr mitneh. 🤓

Have fun bim lose!💓

🎫chömmed unbedingt am 28.05.26. an Podcast Clash im Exil z'Züri! Mir würdet üs freue dich z gseh – Tickets findsch da: ⁠tickets podcast clash⁠ 💥

🔗 ⁠Fiasko Famoso Instagram

salüü zämme ✨ ih dere folg gahts los mit zinksalbi & eme whatsapp vom papi. denach frögemer eus, wie mer eigentli neui fründschafte knüpft & erinneret eus dra, wie mir eusi jüngste fründinne kenneglernt hend.

und: isch es eigentlich schlimm, wenn mer zweck-fründschafte füehrt und was macht denn en fründschaft us? all das & meh über friendships ih dere folg 🫶🏻 vill spass bim drilosse.

🩸 Zude Bluetstammzellspänd, gahts da lang.

🔗 Fiasko Famoso Instagram

hello zemme! Mir hend üs mal wider vo Züri über Amsti zuegfunked und üsem Redefluss friie Lauf lah. Jenny realisiert, dass ihri Fernbeziehig erst jetzt den richtig losgaht und d'Flavia isch sich am ihfinde mit ihrne zwei nüe Jobs, was fürs Hirn gar ned so eifach isch. ❤️‍🩹Geg de Schluss judged Jenny öbis übers Usehe vo de Flavia, wills villicht gli en Typveränderig für d'Flavia gid. Mal schaun. Chönd gern üchi Meinig dezue id Kommentär schriebe! Nimmt mich wunder (lg flavia)☺️

hoi zämme! ih dere folg hemmer eus is rotliecht viertel vo amsterdam gwagt und verzelled eu in saus und braus vo de live sex show, wo mer go luege sind. vo doggy zu techno, striptease mit zahnsiide und em hotte mistery man isch so ziemlich alles debi gsi ... lossed dri, zum ghöre was eus so dur de chopf isch.

Verlinkungen (keine bezahlten Partnerschaften):

• danke nomal ah euse liebi hörer für de "podcast return" 🫶🏼 falls ihr d'büecher wennd nahbstelle, finded ihr da meh informatione dezue: bücher nachbestellen
• falls ihr mal es blind date wennd usprobiere, denn müender die App abelade: Breeze
• UND LAST BUT NOT LEAST: chömmed unbedingt am 28.05.26. an podcast clash im exil z'züri! mir würdet eus freue dich z gseh – tickets findsch da: tickets podcast clash 💥

Welkom allemaal! Dasmal en Folg face to face übers Thema Chind ha oder ebe ned ha. Ufem Sofa ide Jenny ihrere nüe Wohnig in Amsterdam fragemer üs, öbmer üs es Lebe mit Goofe chönd vorstelle. 🍼👶🏻Während d'Flavia eher en Druck verspürt, luegt Jenny recht gechillt id Zuekunft und wür die allefalls chinderlosi Flavia denn au ab und zue zu ihrne Familiefäster ihlade. Was de Flavia ihri Lösig isch zum sich selber de Druck neh, was für Jenny zersch alles fix muess si zum schwanger werde und was mir allgemein ide Mami-Rolle gsehnd, erfahrsch ih dere knappe Stund. 🫶🏼

hola zusammen☺️

Mir nehmed üch ih dere Folg mit dur en wilde Partyusgang ade Langstrass und en deliziöse Finanzservice. 👯‍♀️ Nacher gömmer richtig dri und mached en Chöpfler ih die sognannti Chatch-up Culture. Also Fründschafte wo praktisch nurno drus bestönd sich gegesiite z'update anstatt gmeinsami Erlebniss z'schaffe. Wie das ih üsne Fründschafte usgseht, was mir demit für Struggles hend und was mir für möglichi Lösige für das Phänomen hend, ghörsch ih dere Folg!💛

Leider isch üses Audio hi und da mal bitzli abghackt..🫠 Mir hoffed ihr hend trotzdem Spass bim lose. Bide nächste Ufnahm geber wider üses Beste für en gueti Quali!

Ganz vill Spass debi!