Vars na die land se verwydering van die gryslys is die Finansiële Intelligensiesentrum se 2025/2026 jaarverslag vrygestel en die direkteur, Bryan Eiseb, het by die geleentheid gesê dat 25 miljoen Namibiese dollar in dié boekjaar verbeur is weens vermoedelike finansiële misdade. Hy het aangedui dat die bekamping van geldwassery en belastingontduiking gelei het tot die terugvordering van 29 miljoen dollar in belasting. Eiseb sê volgens die Finansiële Aksie-taakmag is Namibië 'n model-land in Afrika.