Strákarnir í hlaðvarpsþættinum Handboltinn okkar gáfu frá sér sinn 58.þátt í dag en umsjónarmenn þáttarins að þessu sinni voru þeir Jói Lange og Gestur Guðrúnarson.  Í þættinum í dag fóru þeir yfir leikina í undanúrslitunum í Olísdeild kvenna sem fram fóru í gær.  Þeir félagar hrósuðu Sigga Braga þjálfara ÍBV fyrir að hafa undirbúið sitt lið gríðarlega vel undir leikinn gegn KA/Þór en að sama skapi lýsu þeir furðu sinni á því að virtist sem að það kæmi norðanstúlkum á óvart að Rut Jónsdóttir væri klippt út. Þá hrósuðu þeir einnig stuðningsmönnum ÍBV en þeir fylltu heila vél til þess að fylgja sínu liði og það munaði um minna í þessum leik.  Þá voru þeir ánægðir með leik Valsstúlkna gegn Fram og þeir eru á því að Ágúst Jóhannsson þjálfari Vals sé kominn með sitt lið á réttan stað og þær séu til alls líklegar í þessari úrslitakeppni en að sama skapi lýstu þeir yfir vonbrigðum með hægri vængin hjá Fram en þær Hildur Þorgeirsdótir og Lena Valdimarsdóttir hreinlega sáust ekki í leiknum.

Þá völdu þeir BK leikmenn þessara leikja en það voru þær Hrafnhildur Hanna Þrastardóttir hjá ÍBV og Thea Imani Sturludóttir hjá Val.