Fjallað er um hið merkilega verkefni Playing for Change, sem Matt Johnson og Whitney Kroenke settu af stað árið 2005. Það byggir á því að taka upp tónlistarflutning götuspilara víðsvegar um heiminn og skeyta upptökunum saman í eina heild.

Á Alþingi er nú til umfjöllunar frumvarp um Menntasjóð námsmanna sem ætlað er að koma í stað LÍN, við skoðum frumvarpið nánar og ræðum við Sigrúnu Jónsdóttur, forseta Landsamtaka íslenskra stúdenta. Svo skoðum við einar stærstu YouTube erjur sögunnar milli Logan Paul og KSI sem börðust í hnefaleikahringnum í annað sinn um helgina.

Leikin nokkur lög frá löngum og farsælum ferli Peters Frampton. Hann tók allt aðra stefnu en breskir kollegar hans og haslaði sér völl í Bandaríkjunum, þar sem hann hefur búið og starfað meirihluta ævinnar.

Í Hnotskurn vikunnar skoðum við CrossFit og lyfjanotkunarumræðu síðustu daga og rýnum í nýjustu plötu tónlistarmannsins Kanye West.

Little Junior Parker var ekki gamall þegar hann byrjaði að syngja í gospelsönghópi, en sneri sér að blústónlist. Hann er frægastur fyrir lagið Mystery Train sem Elvis Presley hljóðritaði síðar. Sálarsöngvarinn Al Green minntist þessa frænda síns þegar hann féll frá langt um aldur fram.

Í Hnotskurn í dag er fjallað annars vegar um sögu Hrekkjavökunnar, tengsl hennar við Ísland og gamlar hefðir. Í seinni hluta þáttarins er fjallað um barnahjónabönd á heimsvísu en þó sérstaklega í Malaví. Tilefni umfjöllunarinnar er Landssöfnun UN Women sem fer fram á RÚV 1. nóvember.

Mike McGear er bróðir Pauls McCartney. Hann var í hljómsveitunum The Scaffold og Grimms, en gaf líka út tvær sóló breiðskífur og nokkur lög til viðbórar.

Í þessum fjórða þætti Hnotskurnar fjöllum við um vandræðin í bresku konungshöllinni en breskir fjölmiðlar hafa verið sérstaklega óvægnir í garð nýju hertogaynjunnar Meghan Markle. Þá segjum við einnig frá íslenskum nafnlausum áróðurssíðum á samfélagsmiðlinum Facebook og veltum upp áleitnum spurningum um hvort þeim takist ætlunarverk sitt.

Leikin lög frá seinni hluta ferils Elvis Presley. Hann syngur lögin Wooden Heart, Surrender, Little Sister, Can't Help Falling In Love, Good Luck Charm, Return To Sender, (You're The) Devil In Disguise, Viva Las Vegas, Crying In The Chapel, In The Ghetto, Suspicious Mind, The Wonder Of You, Separate Ways og Always On My Mind.

Í þessum þriðja þætti af Hnotskurn förum við yfir feril fimleikakonunnar stórkostlegu, Simone Biles, sem varð um helgina sú fimleikakona (og maður) sem hefur hlotið flesti verðlaun á heimsmeistaramóti frá upphafi. Við rýnum líka í vandræði fjárfestingafyrirtækisins GAMMA sem hafa verið áberandi í fréttum undanfarið.