Leider hemmers vor üsne Ferie nümme gschafft en Folg uufznä. Defür gids ez zwei Spezialfolgene vom Reise!

De Afang möched dä Loris, dä Andrin und dä Benj. Sie sind uf ihrere zweiehalbwüchige Reis midem Seat Alhambra dur Dütschland, Dänemark, Norwegä und Schwedä gfahrä.

Was blibt üs vo dere Reis? Wele Übernachtigsspot isch dä schönst gsi? Und weles Ässe isch s schlächtiste gsi? Das und no vieelll meh erfahrsch i dere Folg womer im Zält ufemne Buurehof z Schwedä ufgno hend.

D Folg vode Gruppe vom Yanik chund au scho glii!

GaLiGrü Freund & Helfer mit ihrne Ahänger 👬