Mier hends ez aso gliich no Gschafft! I derä Folg gaads drumm was mier üüs fürs nüüä Jahr vornämed und wasmer bis ez so gmacht hend ⛸️.

Zudem isches die letzt Folg, bevor sich bim Yanik denn alles ums Militär treid und är ändlich zum Maa wird 🙃.

Scho fast chli historisch also die Folg… Höchsti Ziit also zum losä, vill Spass!

Liebe Grüsse, üchi Freund und Helfers 👨🏻‍🤝‍👨🏼🪖

Nachdem die letzt Folg mid dä Livia und dä Lilian durd Dechi isch, sinds i derä gad nomal z Gast! (Zum Glück hemmer gad zwei uufgno 🙃).

I dä Folg beantwortemer z'vierte paar tüüfgründigi Fragä. Perfekt zum z Jahr la uusklinge oder voller Power is nüüe z starte 🚀! ...oder au schusch immer...

Zudem erfahred ier us erster Hand, wies um üse Podcast-Merch staad und wieso de mier bald zum Jassä usegfordered wärded.

Vill Spass bim losä! Liebi Grüess und ä guetä Rutsch vos Freund und Helfers 👨👨👩‍👩‍🛝

«Ich bi die berüemt-berüchtig mid de Hochziitsliste» – so hed sich üse eint Gast i dere Folg vorgstellt. Regelmässigi Podcast-Hörerinne und Hörer wüssed ez wer debii isch... Das cha ja nur guet cho!

Zuesätzlich hed die berüemt-berüchtigt no en wiitere spannende Gast mitgno. D Weiche fürne wiiteri erfolgriichi Freund & Helfer-Folg sind drumm scho vor de Uufnahm gstellt gsi.

D Themene i dere Folg: Ibach kritisiert Schwyz, de Benj und de Yanik wärded für ihres Wüsse über Jungwacht und Blauring Schwyz kritisiert, KI hed kei Persönlichkeit und Spotify Wrapped – Vill Spass!

Liebi Grüess vo Freund, Freundin, Helfers und Helferin

Salü Midänand! 🤠

So schnell simmer aso no nie gsi! Die Folg isch am gliichä Tag ufgno wordä, we sie ufeglade wordä isch… De Stoff isch also no brandaktuell 🔥🧯.

I derä Folg sind dä Yanik und dä Benj wiedermal z zweitä. Ändlich chönd mier üs drumm wiedermal so richtig uustobä 😍🙌🏻… unteranderem hemmer hüt wiedermal uf paar Reaktione vo Zuehörer döffe iiga und mier kläred, öb Guggenä äxtra schlächt spieled. Wasmer letzt Wuchä so gmacht hend erfahreder natürli auno.

Liebi Grüess uf Bankok zu de nüüste Podcast-Hosts im Bunde 📩🤝🏻!

Eure Freund & Helfers 🙋🏻‍♂️🙋🏼‍♂️

Natürlich verabschiedid mier üs aber ned vo demm Podcast, sondern vonere gschätzte Zuehörerin!

D Vivi gaad go Reise i färni Oste🇹🇭! Vor demm Abendtüür hemmer sie nomal chönne träffe und zum die Abweseheit chli besser chönne verchrafte hemmer gad no es Podcastfolg gmacht :). Was sie in Thailand, Vietnam und Co. denn so macht erfahrsch i dere Folg!

Vill Spass bim lose und gueti Reis Vivi!

Liebi Grüess uf die ganz Wält, Freund & Helfer 👯‍♂️🛫

Ja hoi zäme🤝🏻! Was isch eigentlich s närvigste a üsne Diheis?

Die und no wiiteri Frage dümmer i de traditionelle Fragefolg beantworte!

Los üs zue zum das usegfinde!

Liebi Grüess und gueti Wuche, Fründ & Helfers 🤠

I dere Folg vo Freund & Helfer hemmer zwei ganz bsunderi Gäst. Sie sind de Grund, dass de Podcast überhaupt existiert! 🌱

Mä chönnt scho fast vo üsne Schöpfer redä….👼🏼

Liebi Grüess, Freund & Helfer mit gosSIP 🍸

D Ufnahm vo letztmal wär ja chl lang gsi drumm chund ez no de Rest vo de 5 Fraage. Obwohlmer wäg üsne Abschweifer chli lang gha hend zum die beantworte isch d Folg alles anderi als langwiilig🥁🥁!

Usserdem: Mier stecked mittlerwiile voll ide Vorbereitige fürne ersti T-Shirt Kollektion😍👚. Meh dezue inere nächste Folg🤫…

Hebed no ä schöni Wuche! Liebi Grüess vus Freund & Helfers 🐱🐭

Scho wieder hemmer ä Gast, dasmal sogar zwei😮! D Reka und d Selina hälfed üs, die nüüste Trends iizordne.

Will d Folg chli lang worde wär hemmer ez zwei druus gmacht. Ide Nächste Folg dümmer de no die wiitere „schnelle“ Frage beantworte.

Liebe Grüsse Freunde & Helferinnen 👯‍♂️

Um wases i dere Folg gange isch weisi leider au nümm😩! Aber die Folg wird sicher super-genial! Ein Ohrenschmaus 😋…

Leider hemmer chli lang gwarted mid ufelade ;/

Ich freu mich, jetzt döffe driizlose, mier hoffed, ier au :) - lömmer üs mal la überrasche ✨.