Emanuele Caruso, Regista, E fu sera e fu mattina.

Chie l’at naradu chi pro fàghere unu film de calidade bi cherent produtziones milionàrias? Emanuele Caruso, regista esordiente de su film “E fu sera e fu mattina”, contat de comente est istadu possìbile a fàghere unu film cun 70 mìgia èuro, faghende traballare atores esordientes.

Reporter: Mariantonietta Piga.

The post Emanuele Caruso – E fu sera e fu mattina appeared first on Fred Film Radio.

Venezia 71 si tancat cun su Leone d’oro a su film de su regista isvedesu Roy Andersson: “A Pigeon Sat on a Branch Reflecting on Existence” (Un piccione appollaiato sul ramo riflette sull’esistenza). Su film contat su biàgiu de duos benduleris in su mundu de oe, in sos vìtzios e sas virtudes de sa gente comune.

Bene sos italianos puru. “Belluscone. Una storia siciliana” de Franco Maresco at bintu su Prèmiu ispetziale de sa Giuria; sos atores de su film Hungry Hearts de Saverio Costanzo ant bintu sa Coppa Volpi pro su mègius atore e sa mègius atrice protagonistas.

Reporter: Mariantonietta Piga.

The post Daily – Leone D’oro #Venezia71 appeared first on Fred Film Radio.

Su 2 de santandria de su 1975 moriat Pier Paolo Pasolini. Abel Ferrara in su film “Pasolini” contat sas ùrtimas 24 oras de sa bida de un’intelletuale chi at fatu s’istòria de sa literadura e de su tzìnema italianu.

Interpretadu dae Willelm Dafoe, no est unu film biogràficu ma un’omàgiu de Ferrara a un’òmine chi isse cunsiderat che unu diamante cun milli caras.

Reporter: Mariantonietta Piga.

The post Daily – Pasolini #Venezia71 appeared first on Fred Film Radio.

Pro sas “Giornate degli Autori” Miu Miu presentat 2 cortometràgios chi at fatu fàghere a giòvanas registas fèminas de su panorama internatzionale. Unu bellu progetu de sa Domo de moda cun sa punna de mustrare ite cheret nàrrere a èssere fèminas oe.

Reporter: Mariantonietta Piga.

The post Daily – Winx – Woman’s Tales #Venezia71 appeared first on Fred Film Radio.

In su documentàriu “Giulio Andreotti, il cinema visto da vicino”, su senadore a bida benit intervistadu dae Tatti Sanguineti e Pier Luigi Raffaelli pro contare de cando fiat sutasegretàriu a sa Presidèntzia de su Cussìgiu, cun dèlega a s’ispetàculu, dae su 1947 a su 1953. Andreotti ammentat addòbios, personàgios, star, film cun s’ironia e s’intelligèntzia chi li connoschimus.

Reporter: Mariantonietta Piga.

The post Daily – Giulio Andreotti, il cinema visto da vicino #Venezia71 appeared first on Fred Film Radio.

“Belluscone, una storia siciliana” contat de sas peleas patidas dae su regista Franco Maresco pro acumprire su progetu suo.

Deghe minutos de aplàusos in sala pro unu documentàriu de inchiesta fora de sos ischemas, ue polìtica e bida fitiana sunt intritzidos a pare pro contare un’istòria ispassiosa e orrorosa a su malesi tempus, chi ponet a meledare.

Reporter: Mariantonietta Piga.

The post Daily – Belluscone, una storia italiana #Venezia71 appeared first on Fred Film Radio.

Isetende de ischire chi e at bintu su “Leone d’oro”, custos sos àteros prèmios cunsignados:

Prèmiu “Giornate degli autori” a Retour à Ithaque-Ritorno a L’Avana de su regista e iscenegiadore frantze su Laurent Cantet;

Prèmiu “Schermi di qualità” a Anime Nere de Francesco Munzi;

Prèmiu “Settimana della Critica” a No ones Child de su regista serbu Vuk Rsumovic;

Prèmiu “Segnalazione Cinema per Unicef” a Hungry Hearts de Saverio Costanzo;

Prèmiu “Leoncino d’oro” a Birdman de Alejandro Inarritu.

Reporter: Mariantonietta Piga.

The post Daily – Premios #Venezia71 appeared first on Fred Film Radio.

“Loin des hommes”, regia de David David Oelhoffen. Su protagonista est Viggo Mortensen e petzi pro cussu nde balet sa pena de lu bìdere. Una bella interpretatzione in su film chi su regista matessi definit unu western ambientadu in s’istòria europea.

“Le dernier coup de marteau”, regia de Alix Delaporte. Sa dilighia de s’ànimu de Victor, su protagonista, tesset una trama chi tocat su coro.

Reporter: Mariantonietta Piga.

The post Daily – Loin des hommes, Le dernier coup de marteau #Venezia71 appeared first on Fred Film Radio.

Paolo Fresu, musicista, Vinodentro

Paolo Fresu in Venètzia pro sa presentada de su CD “Vino Dentro”, colonna sonora de su film de su regista Ferdinando Vicentini Orgnani “Vino Dentro”. Cun isse amus faeddadu de tzìnema, mùsica, ambiente e limba sarda.

Festival Section: fuori concorso

Reporter: Maria Antonietta Piga

The post Paolo Fresu #venezia71 appeared first on Fred Film Radio.

Benebènnidu a FRED SARDU! Su primu canale de FRED Film Radio dedicadu a una limba minoritaria est istadu presentadu a manera ufitziale in s’ìnteris de una cunferèntzia istampa, paris a un’àteru progetu de FRED Film Radio: FRED School.

Reporter: Mariantonietta Piga.

The post FRED School #Venezia71 appeared first on Fred Film Radio.