Frásagnir frá Vestfjörðum af liðnum jólum í bland við jólakvæði vestfirskra skálda og jólatónlist.

Umsjón: Elfar Logi Hannesson og Jóna Símonía Bjarnadóttir.

(Frá árinu 2007)

Í þættinum er fjallað um hugmyndina um alvöru konur út frá kvenlíkamanum, móðurhlutverkinu, hinseginleikanum og kynlífsdúkkum.

Umsjón: Anna Marsibil Clausen.

Grár köttur er með óvenjulegu sniði að þessu sinni en þátturinn var tekinn upp fyrir framan áhorfendur í samstarfi við Hinseginleikann. Sagðar eru hinsegin sögur af hinsegin fólki; sögur af orðum, skápum og skemmtistöðum.

Umsjón: Anna Marsibil Clausen.

Þátturinn fær fyrirboða úr geimnum, frá líkamanum og að handan. Fjallað er um fyrirboða tengda hafinu, dauðanum og gestakomum, halastjörnu sem ávallt snýr aftur og fæðinguna sem fór af stað í IKEA - eða hvað?

Umsjón: Anna Marsibil Clausen.

Í þættinum er fjallað um drauma og draumóra. Við skyggnumst í gamlar sögur af berdreymi, heyrum af draumi um barn og kynnum okkur banvæna hugaróra eltihrellis Bjarkar Guðmundsdóttur. Þátturinn inniheldur atriði sem kunna að valda óhug.

Umsjón: Anna Marsibil Clausen.

Í þættinum er rætt við listakonuna Völu Höskuldardóttur um karlmennsku, einnig fjallað um söguna af því þegar Dóri DNA varð skotinn í strák og hugmyndir Gunnars Nelson um ástina. Þá spáir kötturinn í vönunarótta í kvikmyndinni Fight Club, sem á tvítugsafmæli um þessar mundir, og fer í herraklippingu með fimm barna föður.

Umsjón: Anna Marsibil Clausen.

Í þættinum er fjallað um dularfull veikindi: útvarpsmanninn sem hikstaði stanslaust í hálfan mánuð og barn sem í 14 ár varð veikara og veikara án þess að nokkur skildi hvað bjátaði á.

Umsjón: Anna Marsibil Clausen.

Í þættinum er fjallað um ljósmyndir úr íslenskum veruleika. Við vefum ástarsögu inn í vinnuna á bakvið Instagram-myndir áhrifavaldsins Tönju Ýrar, sjáum bera karlabossa á kvennafrídeginum og rifjum upp nóttina þegar Kristinn Magnússon tók ljósmynd sem setti íslenskt samfélag - eða allavega samfélagsmiðla - á hliðina.

Umsjón: Anna Marsibil Clausen.

Í þættinum heyrast sögur af fyrstu skiptum, m.a. klúðurslegum kossi, vandræðalegum vangadansi, austfirskum bónda sem kom í fyrsta skipti til Reykjavíkur á áttræðisaldri og fyrsta skiptinu sem transkona kom opinberlega fram á Íslandi.

Umsjón: Anna Marsibil Clausen.

Í þættinum heyrum við sögur af aukaverkunum - óvæntum afleyðingum lyfja, laga, og lagasmíða fyrir unga konu, íslenska poppstjörnu og síðast en ekki síst: seli. Við byrjum (eins og svo margar unglingsstúlkur) á pillunni en leið okkar liggur þó einnig í jarðarför og í Húsdýragarðinn.

Umsjón: Anna Marsibil Clausen.