鵝悶是快落滴好～耳痛～～

鵝悶天天都睇BL～～

既然開左個靚頭，各位道德重整會小學嘅同學

我哋今集要重整嘅情節係BL裡面真係多不勝數

甚至同類題材可以塞滿一個圖書館（？！）

就係⋯⋯背德兄弟戀❤️

今次會主力由一本漫畫，開展兄弟、偽兄弟嘅無盡配對

就係中村明日美子老師嘅⋯⋯

🌟《香味的繼承》 🌟

當BL界經典漫畫家x兄弟之戀x新解讀角度

一定可以幫到大家感受BL道德重整過後嘅新境界～

重整過後，我哋都回歸認真

道德有問題嘅情節，咁又代表咩？

需要被替代嗎？需要陪剔除嗎？

認真思考，deep talk一下BL裡面嘅惡之必要

歡迎大家打開我哋Podcast EP5

再思道德重整係BL裡面係咪真係有意義？

同學各位找個位，道德重整會小學開學啦

BL嘅世界無奇不有，你估到估唔到都會出現係BL嘅情節裡面

今日嘅podcast就係要發掘BL裡面你可能意識唔到

但同現實道德倫常有出入嘅小細節～

道德重整，唔係為左批鬥撻伐

而係用新嘅角度詮釋當中嘅情節

一連兩集 兩套BL作品個案分析

同你一齊重新睇大家最愛嘅經典作品

今日就要用呢一套人氣泰國BL小說同改編電視劇

🌟《TharnType Story 與愛同居/真愛莫非定律》 🌟

集中分析裡面有關⋯⋯性犯罪嘅情節：P

雖然好似好serious

但放心！我地絕對會用最輕鬆嘅方法

帶你用新角度睇呢部人氣BL～

利申：主持非常喜愛呢部作品！

本集重點：

🌟創作者vs讀者：一份同人，兩種詮釋

🌟RPS粉紅泡泡裡面暗藏Drama⋯⋯

-

⚠️散台預警！（雖然最後冇散到）⚠️

⚠️爆mic預警 注意耳膜安全⚠️

⚠️（主要係雞翼）粗口橫飛 希望大家唔好起雞皮⚠️

「Cut得好辛苦啊，想死」（Zoe，2021）

上集同大家遊完韓國遊日本、遊完日本遊泰國，今集腐腐得正要帶領大家繼續潛入去RPS嘅深海裡面，同大家深入發掘下RPS世界裡面嘅美好同殘酷⋯⋯我地用創作力量同幻想，將三次元裡面冇可能發生嘅嘢，搬到同人世界嘅同時，其實會伴隨住啲咩矛盾同衝突？而RPS作為現實世界嘅延伸產物，RPS世界同現實世界嘅碰撞又會帶嚟咩風波？或者係呢一連串嘅問題，都係幫緊我哋作為fandom嘅，思考係RPS同追星之間安身立命嘅哲學⋯⋯

唉，講咁多，都係想你聽吓腐腐得正嘅Podcast EP3啫！

大家今次聽完EP3，都不妨一齊思考吓屬於你RPS世界哲學啦～

本集重點：

🌟亞洲區RPS生態研究

🌟「1+1>2=RPS經濟效益」的理論

-

RPS（Real Person Slash，真人同人）係BL世界裡面一個好重要嘅分支。不論你係喜歡演員、喜歡偶像、甚至係政治人物（？！），或者都對RPS有所耳聞。今日嘅腐腐得正，會係一堂語文堂，講下有關RPS嘅詞彙；係一堂地理堂，講下各國嘅RPS風土民情；係一堂經濟堂，講下腐營業如何同影視圈結合，帶黎新嘅經濟效益。

對於兩個主持黎講，RPS可謂將佢地大大力禁佢哋入腐海嘅契機，但就算係Zoe同雞翼咁嘅腐女子，都會同大家一樣，keep住係RPS嘅腐海裡面受到一波一波嘅衝擊㗎！所以，我地誠意邀請你搭上呢架一去冇回頭嘅潛水艇，一齊潛入去RPS嘅深海裡面⋯⋯

本集重點：

🌟覺醒方法千百種，有啲咩打開我地腐女的眼睛？

🌟BL世界裡面，認真地睇就可以發現呢啲作品裡面⋯⋯

-

想知道兩位腐女主持——Zoe同雞翼，點解會火星撞地球咁撞到腐腐得正出黎？就一定要聽我地嘅第一個扑cast⋯⋯啊唔係，係Podcast啦！今次由我地嘅腐女初體驗、最近嘅BL新發現出發，同大家分享下兩個人生一半時間都睇緊BL嘅女人，腦裡面有啲咩另類嘅睇法呢⋯⋯？第一次錄製Podcast，希望大家多多包涵⋯⋯大家聽完Podcast，有啲咩意見，或者覺得有共鳴嘅地方，都可以將同我地膠流（x）交流（o）下㗎！

本集提及之作品：

💕 《BL進化論：男子愛可以改變世界！日本首席BL專家的社會觀察與歷史研究》溝口彰子

💕《BL進化論 [對談篇]：透過BL研究家與創作者的對話，考察BL的進化與社會關係》溝口彰子

💕《I Told Sunset About You》（以你的心詮釋我的愛）

💕《守護甜心》PEACH-PIT

💕《純情羅曼史》中村春菊

💕《世界一初戀》中村春菊

💕《鬼畜眼鏡》（漫畫）陵楓李

（細細聲：睇呢個list就知道兩個主持真係古今中外咩都睇 = =）