Gadeer Podcast

الراجل الغضوب، دمه حامي.. الراجل الغضوب، مسيطر ومدير.. الراجل الغضوب، بيعرف يحصل على كل اللي هو عايزه.

كلام ومفاهيم مختلفة ربطوا الرجولة بالغضب والعنف.

لكن في الحلقة دي هنتكلم عن:

ليه الغضب والعنف ارتبطوا بالرجولة؟

هل الغضب ينفع يكون شئ كويس ومفيد للراجل؟

إزاي أتعامل مع مشاعري وأقدر أديرها كراجل جدير؟

إزاي سوق العمل أثر على نظرتنا لنفسنا كرجالة، وإزاي شكِّل مفاهيم معينة عن الرجولة؟في الحلقة دي من "بودكاست جدير" بنتكلم عن:

• ليه بنشتغل؟

• النجاح المادي كعلامة على الرجولة.

• المرتب كوسيلة لفرض السيطرة في المنزل.

• الاجتهاد في العمل وإدمان العمل Workahloic

• الاحتراق الوظيفي.

• المكسب السهل السريع، ذكاء ولا استسهال؟!

في الحلقة دي من «جدير»، بنتكلم عن الجنس عند الرجل: هل هو مجرد احتياج جسدي، ولا ممكن يكون تعبيرًا عن الحب والقرب والتواصل؟

بنتناقش في إزاي ممكن تتحول الرغبة من جزء طبيعي من الإنسان إلى نقطة ضعف، وتأثير الإباحية والثورة الجنسية على نظرتنا للجنس، ولماذا أصبح الأداء الجنسي عند بعض الرجال مرتبطًا بالقيمة والرجولة.

وفي النهاية، بنطرح سؤالًا أساسيًا: إمتى يكون الجنس تتويجًا لعلاقة حقيقية، وإمتى يتحول إلى مجرد استهلاك للآخر؟

"الراجل مايعيبوش غير جيبه".. "اللي معهوش قرش مايسواش قرش".. أمثال ومفاهيم مجتمعية اتربينا عليها وخلقت عبء وضغط ساكت جوا كل راجل.

في الحلقة دي من بودكاست جدير، بنفتح ملف "مفهوم الثروة" وعلاقتها بتعريف الرجولة. هل قيمتك الحقيقية بتبان في رصيدك في البنك ولا في طريقة استخدامك للفلوس؟ وإيه اللي يتبقى للراجل لو شيلنا منه فلوسه وإنجازاته؟

هنناقش مع بعض في الحلقة دي:

• إزاي مفهوم الثروة اتطور عبر الزمن، وهل تعريف الرجولة بيتغير معاه؟

• "البحر يحب الزيادة".. امتى الطموح بيتحول لجشع، وليه صعب نقول "أنا مكتفي"؟

• فجوة المقارنات اللي خلقتها السوشيال ميديا، وإزاي أثرت على سقف طموحنا وإحساسنا بالأمان.

• إزاي نفرق بين الراجل الكسلان، والراجل الراضي اللي حاسس بالاكتفاء؟

• هل دخل الراجل هو اللي بيحدد احترامه جوه بيته؟ ولا المحاولة والشغل هما الشرف الحقيقي؟

اسمعنا دلوقتي وأي مكان. شاركنا تجارب من أرض الواقع، وادخل في مجتمع أخوة حقيقي مبني على مبدأ "الحديد يشرذ الحديد".

أهلاً بيك في بودكاست جدير — لأن كل راجل قادر ويستحق

تابعنا علي صفاحتنا:

فيسبوك

إنستجرام

لينكدن