💡本集主題介紹：

      這一兩年以來，「憲法法庭」受著當多个討論，無論係憲法訴訟法个修正、憲法法庭判決內容、大法官人選，社會上都有當多个聲音。這集同大家紹介，到底大法官係麼个、麼儕做得做大法官、大法官摎法官有麼个無共樣；憲法法庭做哪兜事頭、大法官解釋同憲法法庭判決仰般促進人權保障、又有哪兜限制；司法權有哪兜特別个性質、麼个安到「抗多數決」；大法官人選一直選毋出來，會仰般影響憲法法庭運作、人民救濟權利个保障；新修个憲法訴訟法到底有哪兜問題，會分憲法法庭無法度停動。有興趣个人，做得收聽這集，來了解「原來聽起來當遠个憲法法庭」其實摎人民當有相關喔！

👂本集節目重點：

    ➢大法官資格條件：大法官vs.法官个爭差、大法官个任務。

    ➢憲法法庭个功能：推動人權摎民主个重要解釋同判決、抗多數決个意義。

    ➢新修个憲法訴訟法：評議、違憲宣告門檻个差別、合憲摎違憲宣告个無對稱性。

    ➢憲法法庭同人民个關係：各種人民基本權利，像平等權、隱私權、婚姻自由、原住民狩獵文化權。