Custes maiores e afeccións na actividade comercial. O ataque de Estados Unidos e Israel contra Irán está a ter consecuencias xa na economía galega. Afecta a todos, tamén ós consumidores.

Hoxe reúnese a mesa de apoio loxístico á empresa pra avaliar o impacto da guerra e posibles medidas.

No pleno do parlamento, BNG e PSdeG presentaron dúas propostas de declaracións institucional contra a guerra, pero semella que ningunha vai sair adiante porque require o apoio unánime dos grupos.

Segue a folga de médicos en atención primaria e como medida de presión, o sindicato convocate anuncia que os facultativos van deixar de facer horas extra nos hospitais.

O tempo. Hoxe case sen chuvias e cunha lixeira suba das temperaturas máximas

Estámo-lo vendo ao pasar polas gasolineiras. A escalada de prezos dos combustibles, derivada do crecente conflito en Irán, no Golfo Pérsico, está a suscitar custos complicados de asumir para moitos petos. Mentres os gobernos europeos seguen a avaliar a situación, a Xunta reunirá mañá á Mesa de Apoio Loxístico á Empresa para estudar posibles medidas de apoio para as compañías que manteñen relacións comerciais con esa rexión.

Máis alá da guerra, hoxe é o oitavo día de folga indefinida na Atención Primaria. Omega aumenta a presión e insta ós facultativos dos hospitais a deixar de facer peonadas.

O combustible está en plena escalada. Os transportistas chaman a aplica-las cláusulas que obrigan a subir os prezos dos servizos nestes casos. Unións Agrarias pide directamente que se abra unha investigación de oficio ante o sospeitoso comportamento dos prezos.

Entramos xa na segunda semana de folga sanitaria. O sindicato Omega reforza a presión instando ós médicos a deixar de facer peonadas para rebaixar as citas aprazadas polos paros

Galicia segue por baixo da media de poboación inmigrante, que representa un 7% da poboación, e a Xunta urxe a axilizar os permisos de traballo para estranxeiros

Novo intento de Santiago para activa-la zona residencial tensionada e conter os prezos dos alugueiros. En Vigo marcan máximos tamén na compravenda.

No tempo, xornada de auga e frío.

Comezamos un novo luns de folga médica na atención primaria e pendentes dos prezos do combustible. Os transportistas galegos xa piden medidas ante as subas dos últimos días.

Unha semana por certo que será decisiva para o cambio na rede universitaria galega. Por vez primeira Galicia terá unha reitora, será na Universidade de Santiago, a votación entre as dúas candidatas realizarase este mércores.

E nos vindeiros minutos imos ata Celanova, ata unha pintada galeguista histórica que está de actualidade -por nada positivo- deste esta fin de semana

Neste luns 9 de marzo de 2026 

Contamos a última hora, que pasa polo número 64 da rúa Progreso. Un incendio declarado na cociña do bar Niza fixo necesaria a intervención dos bombeiros. Debido a exposición ao fume xerado, unha persoa tivo que ser evacuada.

Ademais, hoxe comeza a folga indefinida de Forvia. Os trescentos traballadores temen quedar sen traballo ante as manobras a favor da filial zaragozana.

O mal estrado das estradas, acelerado polo temporal, e as múltiples incidencias rexistradas nos viais no que levamos de ano contrasta cun dato: dende o 3 de decembro de 2025 non se rexistran falecidos nas estradas provinciais.

Saímos dunha fin de semana marcada polo Día Internacional da Muller e hoxe continúa esa conmemoración da man de distintas institucións na cidade. De feito, no tempo da entrevista ollamos a un estudio do colectivo ClimaGen sobre cambio climático e desigualdades. Falamos coa investigadora ourensá Evelia Murcia. 

MIlleiros de mulleres saíron esta domingo ás rúas na provincia para defender a loita feminista

Contra a discriminación da muller, contra a patriarcado, e tamén, contra a guerra...Un feminismo combativo que reivindicou os dereitos da metade da poboación en Santiago, na Coruña, Ferrol, Ribeira, As Pontes, ou Betanzos, convocado pola Marcha Mundial das Mulleres.

-A xunta de goberno local de SAntiago aprobará previsiblemente hoxe a nova solicitude á Xunta de Galicia para a declaración da cidade como zona tensionada en materia de vivenda. Será a segunda ocasión, logo de que o goberno autonómico rexeitase a primeira solicitude.

- Mañá martes é o 10M, Día da Clase Obreira Galega. Unha data sinalada, sobre todo en Ferrol, que tódolos anos homenaxea, cunha xornada repleta de actos, aos dous obreiros do estaleiro asasinados durante as protestas de 1972.

-O centro Brea segade de Taragoña, en Rianxo, ven de ser galardoado co tercer premio Innovagal da Xunta de Galicia polo seu proxecto educativo Mais ca leña. Unha asignatura única en Galicia na que os estudantes aprenden os diferentes usos dunha comunidade de montes