Noticias de Galicia en Radio Nacional y Radio 5 de Rtve

No tempo de entrevista recibimos hoxe, a poucas horas de coñecer se a Ribeira Sacra é patrimonio da humanidade e co debate sobre o galego aberto, o conselleiro de Cultura, lingua e xuventude.

Con el fala Xosé Manuel García

Boa tarde.

O sector Médico amosa a sua preocupación pola nova lei de medicamentos aprobada hai uns días no consello de ministros, e que avala que fisioterapeutas e enfermeiras poidan prescribir fármacos. O sindicato galego, SIMEGA, sinala que en certas enfermidades pode supoñer un risco pro doente e que ademáis é unha intromisión da profesión médica. Mentres o sector da fisioterapia celebra a ampliación das suas competencias.

Noutros asuntos da xornada, Comisións obreiras sinala que está sendo un éxito de seguemento a folga do comercio galego convocada pra este 26 de xullo, unha xornada na que estaba permitida a apertura e contra a que din, atenta contra o tempo de descanso dos traballadores.

No tempo da entrevista falaremos co conselleiro de Cultura, lingua e xuventude onde abordaremos o debate sobre o plan da xunta pola lingua galega e tamén a candidatura da Ribeira sacra que aspira a ser patrimonio da humanidade. Unha decisión que se votará esta madrugada en Corea do sur.

Nos deportes, o viveirense Adrián Ben gala o ouro nos 1.500 metros d do campionato de españa de atletismo ó aire libre que se celebra en Malaga.

Pola tarde turno para Belén Toimil na final de peso. A cita ás nove menos cinco.

Estas e outras novas de contado

No tempo de entrevista recibimos hoxe a unha das promesas da cinematografía galega: Juan Barbazán. Un mozo que pasou de dirixir videoclips a coller a cámara e filmar unha curtametraxe: 'María Rita'. E converteuse no triunfador da última edición do festival de Cans. Con el conversa Andrea Oca

Boa tarde.

Os actos políticos e a Ofrenda ao Apóstolo centran a xornada deste 25 de xullo, Día Nacional de Galicia. Vén de rematar a tradicional ofrenda na Catedral de Santiago que comezaba as dez desta mañá, e que contou por cuarta vez coa intervención do presidente do Parlamento galego Miguel Ángel Santalices Vieira como delegado rexio.

Presencia neste acto tamén do presidente de Galicia, Alfonso Rueda, acompañado do líder do PP nacional, Alberto Nuñez feijoo.

Por certo, o presidente do goberno, Pedro Sanchez, tamén aproveitou pra felicitar, nas suas redes sociais, a Galicia citando a Xosé Neira Vilas ao que se lle adicara o Día das Letras Galegas de 2027.

Mentres, continúa nestes intres a multitudinaria e tradicional manifestación do BNG polo Día da patria baixo o lema "Somos unha nación, soberanía e dereitos nun mundo en paz'.

De seguido conectaremos en directo coa nosa compañeira Fátima Rodriguez que se atopa na praza da quintana e que tamén nos achegará as declaracións da líder nacionalista Ana Pontón .

Por outra parte, escoitaremos a intervención do secretario xeral do PSDG que participou de forma telemática, na homenaxe a Castelao en Rianxo , desde Bos aires, onde se atopa de viaxe institucional.

No tempo da entrevista falaremos de cine. Coñeceremos ao director galego Juan Barbazán que nos ven a presentar a sua curtametraxe: 'María Rita' que conta a historia dunha parexa con adiccions que loita contra os servizos sociais para evitar que se leven a sua bebé de catro meses.

Nos deportes. Dúas citas no fútbol pra hoxe. O deportivo afronta hoxe o seu segundo amistoso de pretemporada contra o Oviedo no carlos Tartiere as sete e media desta tarde. Tamén, amistoso do Celta co Sporting de Xixón, que se celebra desde as sete en A Lomba, Vilagarcía.

E unha cousa mais, Os equipos de emerxencia rescataron o corpo sen vida dun home de 78 anos que faleceu tras quedar atrapado no oco do faiado da sua vivenda. Ocorreu en Vere, Ourense.

Noticias en RNE R5 Ourense con María Piñeiro e Raquel Saínza