Preto de 200 mil persoas celebrarán hoxe o San Xoán na Coruña, uns 40 mil en Praia América e Patos, en Nigrán.. Son os puntos máis álxidos dunha celebración que une esta noite a milleiros de persoas por toda Galicia, nas grandes cidades e nas aldeas máis pequenas, entorno ó lume e a sardiña... Ainda que a cota é pequena, haberá suficientes pra molla-la broa. Outros milleiros de persoas traballan xa, e farano durante toda a noite, pra asegurar que desfrutamos da noite máis curta do ano sen incidencias

- RENFE ten á venda os novos abonos mensuais ou de 10 viaxes para os servizos de Media Distancia.

Despois dos abonos con desconto, chegará o billete único pra realizar viaxes combinadas en transporte público.

- O sindicato médico Simega propón sacar do verán a renovación de medicación crónica.

Cre que deste xeito se aliviaría a sobrecarga de traballo que adoita producirse na atención primaria en xullo e agosto.

- Asemblea dos traballadores de Alcoa.

Temen que o pacto entre a multinacional norteamericana e IGNIS conduza a unha situación como a que rematou co peche das factorías da Coruña e Avilés.

- Concentracións da CIG pra protestar polas condicións laborais que soportan moitos traballadores de Mercadona.

Denuncia castigos como illamento, insultos ou supresión de primas que poden chegar a supoñer dúas ou tres mensualidades.

- O tempo. Temperaturas altas nesta véspera do San Xoan... á noite non se descarta algún chuvasco treboento

Bo día...

As medidas tomadas en materia de Vivenda na Coruña, como a declaración de zona residencial tensionada, terán efecto a curto prazo...Así o agarda a alcaldesa da Coruña

Nunha entrevista a Radio Nacional, Inés Rey, tamén defendeu o modelo de Nostián, non cre que vaia en contra dos obxectivos medioambientais marcados por Europa

As praias serán esta noite o encenario principal da lumeiradas de San Xoan. A máis concorrida vai ser a de Riazor-Orzán na Coruña. O concello ten previsto repartir 120 toneladas de madeira...As sardiñas tamén protagonistas sobre todo nos barrios. E non parece que haxa problemas pra atopar hoxe producto fresco aínda que os minoristas queixáronse pola mala planificación.

A nosa compañeira Silvia Muiña conversa coa actriz e creadora, Mariña Lestón, que presenta a peza de teatro: Costa da morte, cartografia dun naufraxio, unha obra que co-produce xunto ao centro dramático galego e que pon o foco nos mariñeiros que pereceron no mar pero tamén, nas súas viúvas e familias

Boa tarde,

A actualidade mira hoxe cara Oriente Medio tra-lo bombardeo de Estados Unidos a Irán. Precisamente este domingo chegará a Pontevedra Foni Díaz, o viaxeiro que quedou atrapado neste país ao quedar pechado o espazo aéreo. Hoxe escoitaremos o seu testemuño coincidindo coa escalada bélica do conflito.