38 son os concellos polos que discorre a autoestrada do atlántico. 14 deles asistiron este martes á reunión convocada en Abegondo para constituir a Asociación de Concellos Galegos Afectados pola AP-9. A presidencia da entidade, por certo, recaerá precisamente no municipio anfitrión. Unha vez rematada a exención do 95 por cento do IBI que tiña a concesionaria, solicitan o pagamento dos meses pendentes e unha actualización do valor catastral.

- Remata o peche que a CIG estaba a levar a cabo na empresa que executa as obras do acceso ferroviario ó porto exterior da Coruña. Protestaban pola agresión racista dun encargado que agora vai ser apartado.

- Este mércores vence o prazo para que o secretario xeral do consistorio determine se os 4 concelleiros expulsados do PSOE compostelán pasan ao grupo de non adscritos.

- Hoxe poderían pasar a disposición xudicial os 6 detidos na operación antidroga levada a cabo este martes en Carballo e A Laracha. A causa está baixo segredo de sumario

O sector servizos volve a tirar do emprego. A comunidade rebaixa en 3.600 o número de parados. Pero o feito de que boa parte dos novos postos de traballo sexan na hostalaría significa, segundo os sindicatos, temporalidade e precariedade,

Hoxe falarase no parlamento de emprego.. na sesión de control, o portavoz socialista, Gómez Besteiro, preguntarase sobre a situación do paro en Galicia ó presidente da Xunta.

Na primeira sesión do pleno protagonismo para ao galego.. durante a comparecencia do conselleiro de Cultura quedou evidente a distancia dentre o PP e o Bloque.

E, noticia a lonxa de Silleda onde quedaron se vender a metade dos becerros de recría que entraron na feira deste martes...os compradores néganse a empregar a nova plataforma dixital.

O tempo.As altas presións séguennos achegando aire frío procedente do continente europeo

O pulo do sector servizos en abril, coa Semana Santa de por medio, permite un descenso do desemprego en Galicia. Hai 3.600 persoas menos nas ringleiras do paro, co que o número de galegos sen traballo queda en 115 mil.

Son cifras positivas, mellores que a media estatal, e a Xunta saca peito da boa evolución do emprego na nosa comunidade. Pero os sindicatos advirten da estacionalidade e da precariedade que define ós postos ligados ós servizos: miran especialmente ó tipo de contratacións que se fan na hostalaría.