A aposta pola redución da xornada a 37 horas e media foi unha das principais mensaxes escoitadas nas manifestacións convocadas por Comisións Obreiras e UGT en Galicia, co gallo deste 1 de maio. Á marcha de Vigo asistiu o líder dos socialistas galegos que pediu á Xunta que xere emprego feminino e xuvenil.

Presenza do BNG na marcha principal da CIG, tamén na cidade olívica, cunha mensaxe a prol da reindustrialización de Galicia e da necesidade de crear emprego de calidade fronte ós contratos precarios. De contado escoitamos as demandas.

Teñan por certo precaución nas estradas. Está en marcha a operación saída da DXT. Nas estradas galegas faleceron dúas persoas nas últimas horas. Un home de 80 anos atropelado pola noite no concello ourensán de Sandiás. Non levaba elementos reflectores segundo os axentes. E un condutor de 30 anos morreu esta mañá en Outes tras saír da vía e colidir cunha vivenda.

Día do traballo. Os diferentes sindicatos convocaron concentracións pola comunidade. As centrais serán en Vigo, onde estarán os líderes autonómicos de Comisións Obreiras e UGT, ás once e media; e da CIG, ás doce. Tamén haberá representación política, co secretario xeral dos socialistas na primeira marcha e co deputado do BNG Néstor Rego na manifestación da CIG.

Todo tras uns días de crise polo apagamento enerxético en Galicia, unha vez superada abrimos a fase de petición cruzada de explicacións. A Xunta quere saber por que o transporte ferroviario tardou case un día máis en recuperarse na súa totalidade que no resto de España. E o BNG o que lle pide ó presidente Alfonso Rueda son aclaracións por deixar a xestión en mans do Goberno central. Un paso que os nacionalistas non consideraban necesario e que ven como unha estratexia política.

Mentres, escoitaremos algunhas das consecuencias como as perdas de moitos litros de leite en explotacións que non puideron manter a cadea de frío.

Tamén iremos ata a praza de Abastos de Santiago para escoitar os detalles do bono para fomentar o consumo de peixe que se porá en marcha nas vindeiras semanas.

Unha xornada na que deixamos definitivamente atrás o episodio do apagamento eléctrico do luns e a crise que xerou. Se o luns estabamos no nivel de emerxencia 3 e onte baixabamos ó 2, agora ultímase xa o pase a nivel 1.

Quedan, iso si, as secuelas en numerosos ámbitos. No político, o BNG bota en falta que a Xunta non mantivese o autogoberno desde o minuto 1.

Falaremos tamén de Sargadelos, de acollemento familiar e do bono-peixe.