O futuro da emblemática fábrica de Sargadelos está no aire. Os traballadores atopáronse esta mañá coas portas pechadas. O dono xustificao polos requerimentos da Inspección de traballo e é que xa foi multado por non facilitar ás traballadoras os equipos individuais de protección ó estár expostas, entre outros ó pó de sílice.

Os traballadores de Alcoa piden a intervención da SEPI e os de navantia rexeita un convenio único para Ferrol.

E marzo deixanos uns bos datos do paro: xa hai menos de 120 persoas rexistradas como demandanates de emprego.

Deportes. O Baxi Ferrol volveu perder en Francia. Queda así coa plata na segunda competición europea de baloncesto.

O tempo. Mantense a inestabilidade e de novo hai risco de chuvascos treboentos á tarde. Onte na Coruña nun cuarto de hora a intensa chuvia causou importante problemas no centro da cidade. As temperaturas hoxe algo máis baixas

Pecha Sargadelos. O propietario único do grupo, Segismundo García, comunicouno por carta a Inspeción de Traballo e Seguridade Social este mesmo mércores. Precisamente logo de recibir unha multa por parte dos ispectores ante deficiencias no edificio de Cervo. A decisión afecta a 80 traballadores.

Unha mala nova pro traballo galego xusto cando se coñecen os datos do paro...A nosa é a teceira comunidade na que máis baixaron os desempregados no último mes: 1.822 menos.

En Galicia, marzo rematou con 1.822 persoas menos nas ringleiras do paro. Esta cifra sitúa á nosa comunidade como a terceira na que máis baixa o desemprego, sobre todo grazas ó sector servizos. Con todo, este ámbito continúa a ter moitas persoas sen traballo.

Nas cifras de afiliados tamén hai datos positivos, con 7.500 cotizantes máis. Pero os sindicatos inciden en que o 60 por cento das altas son con contratos temporais e fixos discontinuos. En resumo falan dun mercado que crea emprego pero en precario.

Desde Emprego da Xunta inciden en que a baixada do paro se reflicte en todos os sectores.

A alcaldesa de Cambre, María Pan, anuncia a súa dimisión logo dun ano no cargo. Nunha carta aos veciños acusa á oposición de boicotear a xestión do goberno local, de Unión por Cambre.

O concello terá que elixir ao terceiro rexedor da lexislatura.

-En Outes, o PSOE ratifica a expulsión definitiva do concelleiro José Antonio Caamaño, que en febreiro, en contra do criterio do partido apoiou unha moción de censura promovida polo PP.

-Entre o 15 de abril e o 15 de xullo a ría de Ferrol estará pechada ó marisqueo. As confrarías de Ferrol, Barallobre e Mugardos secundarán un paro biolóxico pra facilitar a recuperación da ameixa.

-Nos Deportes, cita histórica pra o baloncesto feminino galego. O Uni Ferrol visita esta tarde ao VILLENEUVE francés na volta da final da Eurocap, coa necesidade de remontar os 3 puntos do partido de ida na Malata