Primeiro pleno do ano no Parlamento de Galicia que dá por finalizada a comisión de investigación dos contratos da Xunta na pandemia. Votouse o ditame final, aprobado coa maioría absoluta do PP e con críticas da oposición. Acusa ó goberno galego de deixar escapar unha oportunidade de coñecer a verdade.

Tamén chegou á Cámara o texto da lei de servizos dos medios públicos. O PP rexeitou as emendas á totalidade e o texto alternativo que presentaron os outros grupos. Mentres se debatía este asunto no interior do Pazo do Hórreo, fóra os traballadores berraban en defensa dunha CRTVG independente.

Amaina a borrasca que deixou 1.600 incidencias, aínda que se anuncia a chegada doutra a pasada madrugada, e baixan as temperatauras. A neve chegou ás zonas altas das provincias de Ourense e Lugo.

Este martes destacamos a condena a José Manuel Baltar ó acreditar o Supremo que conducía a máis de 200 quilómetros por hora e estamos pendentes do Parlamento: o pleno aproba hoxe o dictame final da comisión que investigou os contratos da Xunta e o sobrecuste no Cunqueiro.

Acougan os ceos en Galicia tra-lo paso de Herminia, que deixou unha chea de incidencias na comunidade. O último reconto ascende a 1400. Iso si, aínda chove con intensidade nalgúns puntos, polo que teñan precaución... a ollada está posta arestora nunha ducia de ríos con risco de desbordamento. Tamén no litoral, onde está activada a alerta vermella por ondas que poden acadar os 9 metros.

Tormenta tamén na política, tras coñecerse hoxe a sentenza do Supremo que condena ao senador popular José Manuel Baltar como autor dun delito contra a seguridade vial. A oposición insta ao PP a que pida a súa dimisión, algo que Rueda xa descartou.

O temporal vai a menos pero aínda temos aviso vermello en boa parte do litoral. En terra a situación mellorou nas últimas horas: está restablecida a circulación ferroviaria de media distancia entre A Coruña e Ferrol, continúa interrompido o tren de ancho métrico Ferrol-Ribadeo-Oviedo.

Máis de mil incidencias nos últimos días que manteñen arestora moitos cortes de luz e que esta mesma mañá aínda provocaron atrasos e cancelacións nos aeroportos galegos.