OPEN HEAVENS

MATALA LE LAGI MO LE ASO GAFUA 2 FEPUARI 2026

(tusia e Pastor EA Adeboye)

Manatu Autu: Galuega e faia pe a faatigā e temoni (Dealing with demonic vexation)

Tauloto Tusi Paia: Neemia 9:27 “O le mea lea na e tu‘uina atu ai i latou, i lima o ē ita mai ‘iā te i latou. ‘Ua latou fa‘atigā fo‘i ‘iā te i latou, o ona po o lo latou tigā, ‘ua latou ‘alalaga atu ai ‘iā te oe. ‘Ona e fa‘afofoga mai lea mai le lagi, ma e foa‘iina ‘iā te i latou o ē lavea‘i e tusa ma lou alofa mutimutivale ‘ua tele, na latou fa‘aolaina fo‘i i latou a‘i lima o ē ita mai ‘iā te i latou.”

‭‭

Faitauga - Tusi Paia: Mataio 17:14-18

A filifili le tiapolo e faapologa ni tagata e ala i le faatigā o i latou, e na te osofaia i faafitauli e tigā ma faamāina ai. E faia e le tiapolo i lona tofia o se temoni poo ni temoni e galulue i le olaga o lea tagata faavaitaimi. I le faitauga mai le Tusi Paia o le asō, na afio Iesu mai le Mauga na liua ai, ae fetaiai ma se tamā o loo aumai lona atalii ia te ia. Na faamatala e le tamā le sau o se temoni faaitula ma ulutinoina lona atalii ma paū i totonu o le afi ma totonu o le vai. E lē o le tamaitiiti na osofaia e le temoni, peitai e sau faa itula ma ulutinoina e temoni e faaoolima ia te ia lava. E iai tagata e lelei lava i le taimi nei, ae o leisi minute, e faafuaseia ona oo i fafitauli. Mo se faataitaiga, o tagata ma’i māliu e osofaia faa itula, e oso le ma’i ma gatete, ma e masani ona tupu ao tumu tagata, ma faamāina ai i latou. 

I tausaga o le 70s, sa iai se tamaitai i le Redeemed Christian Church of God e iai sana tama puapuagatia e faatigā e le tiapolo. E masani ona oso lona ma’i ma gatete i soo se taimi e nonofo ai i se fale mau totogi fou. O aso na, e manatu tagata o nei ma’i e pipisi ma a oso le ma’i o lana tama, e vave ae tutuli ese laua mai le fale mautotogi. O lenei uso, ua nofo i fale eseese ona o le ma’i oso o lana tama, seia oo i se tasi aso ao la iai i le ogatotonu o le taulaga, ae oso loa lona ma’i maliu. O le mea sa ia taumafai malosi e nānā ua iloa uma ma ua tamomoe ese tagata. Ina ua tupu, na tago atu i lana tama ma tilotilo i luga i le lagi i le Atua Silisili Ese ma faapea ‘Tamā, ua iloa uma e tagata lenei mea lilo, ma ua leai so’u fesoasoani. Faamolemole tulai mai mo a’u’. O le aso mulimuli lea na oso ai le ma’i māliu o lea tamaitiiti. 

E tulai le Alii mo i latou uma e valaau ia te ia ma le faamaoni. Fai mai le Salamo 145:18, ‘“E latalata mai le ALI‘I ‘iā i latou uma o ē vala‘au ‘iā te ia, o i latou uma o ē vala‘au ‘iā te ia ma le fa‘amaoni.” Le au pele e, o faatigā ea oe e le fili? O sau ea faaitula i lou ola e gaoi, fasi ma faaumatia? Lafoai lou ola ia Iesu pe afai e te lei faia lava. Folafola ia te ia o le a e ola ma soifua e tusa ma lona finagalo e amata atu nei ma valaau ia te ia e faasaoloto ia te oe. E tulai mai o ia e avea ma ou puipuiga. 

Tatalo

Tamā, faamolemole ia faamutaina soo se fuafuaga a le tiapolo e faatigā ia te au poo seisi o lou aiga, i le suafa o Iesu, Amene.