係粵語裡面，形容惹出麻煩、事情出了大問題，有個習慣說法叫做「搞出個大頭佛」。例如話：「我本來都係幫手嗻，點知搞出個大頭佛添！」

據講這個詞出自嶺南傳統活動舞獅。大家睇過舞獅應該都知道，通常係獅子嘅前面，會有一個人戴著個大頭佛嘅頭套，舞著把大葵扇係前面引路，同獅子互動，引導獅子做唔同嘅動作；而大頭佛後面就會跟著一隻或者若干隻獅子，還有其他儀仗，整個場面熱鬧非凡。

所以後來，大家就從“大頭佛會引出一大串物事”呢個情形，創造出一個俚語，叫“搞出個大頭佛”，用來形容引發一連串麻煩，或者闖出大禍嘅意思。